Keho oficial contra Mike Eman a wordo entrega na juni 2020 riba 50 mil dollar

Parlamentario Endy Croes: Mike Eman ta cuestiona Ministerio Publico?
Keho oficial contra Mike Eman a wordo entrega na juni 2020 riba 50 mil dollar

Parlamentario Endy Croes no ta kere cu Mike Eman por walk away manera nada no a pasa. Nos ta respeta nos instancianan y ta kere cu nan ta funciona y ta pesey Parlamentario Croes ta enbusca kende of kendenan a faya den henter e proceso aki di
Mike Eman. Kende a tapa of sconde pa Mike? Akinan Ministerio Publico tin un rol hopi importante como cu nan tin e toolsnan legal pa investiga y hasi preguntanan concreto pa saca afor unda nos systema a faya.

Mike Eman a ricibi hopi transferencia di placanan preto:
Mike Eman “himself” a ricibi durante elecion 2013 diferente transferencia bancario di sumanan di 50 mil dollar esta 90 mil florin entreotro di Roberto Rincon. Rincon a wordo castiga na merca pa soborno di mas di 1000 miyon us dollar. Mike Eman a ricibi
donacionnan gigantesco pa cumpra votos y sera campaña na 2013 cu un lightingparade cu 13 banda musical cu tur cos paga. A cambio Benny Sevinger a otorga Rincon un tereno di 4000m2 na Balashi den un record di tempo. Un carta cu a wordo handdeliver.
Straño ta cu ningun musca a bula riba e transferencianan aki. Parlamentario Endy Croes a entrega keho oficial na Ministerio Publico desde Juni 2020 momento esaki a bira conosi y a logra haña prueba. Croes mes a cuminsa su propio investigacion alaves pa saca afor ken ta tapa pa Mike Eman. E Banco involvi? Banco Central? MOT ( FUI)? Kiko Ministerio Publico a hasi cu e keho oficial?

Parlamentario Croes a cuminsa su propio investigacion:
Riba Website di Banco Central a encontra cu “Richtlijn Integere Bedrijfsvoering” maart Artikel 1 den e richtlijn di Banco Central tin un parti ta splica di incident. Artikel 13 ta stipula hopi kla con un instelling mester atende cu un incidente manera e incidente den e
caso di Mike Eman. Artikel 13 c ta splica de informatieverstrekking aan de CBA y 13 d ta stipula cu de instelling ( pues un banco por ehempel) informeert de CBA schriftelijk omtrent incidenten. Algemene Toelichting di artikel 13 ta hopi kla. “ Een instelling
informeert de CBA onverwijld binnen twee werkdagen schriftelijk omtrent een incident”. Pues e incitentenan aki tuma lugar na 2013 y con por ta posibel cu ningun hende sa nada?

Preguntanan na diferente instancia pa transparencia y claridad:
Banco Central ta promove masha hopi integridad y transparencia. Nos ta bay midi e
integridad y transparencia di nos instancianan e siman entrante. Banco Central a ricibi un
schriftelijke incident melding den e caso di e transferencianan di 50 mil dollar cu a bay riba
cuenta di Mike Eman den pleno campaña? E banco cu a ricibi e transferencianan aki a
lanta un redflag? E banco a pidi Mike Eman manera tur otro persona normal pa jena e
formulario di MOT? MOT a redflag e transacionnan di placa preto y laba cu tabata drenta
riba e cuenta di Mike su Fundacion? Banco Central a entrega keho na Ministerio Publico?
Pakiko No? Unda nos systema a faya ? Ken a sconde of tapa pa Mike Eman? Ken a pone
man willens en weten riba Mike su cabez? E banco envolvi, MOT , Banco Central of
Miniterio Publico? Den e cuater instancianan aki di confiansa di Aruba nos mester busca e
culpabel of culpabelnan. Mike Eman HAMAS por keda sin wordo investiga. Diferente
transferencianan dudoso di sumanan grandi a drenta riba Mike su cuenta y nos tin e
pruebanan y nos mes a entrega keho caba. Mi lo sigui investiga. Mike no ta santo!