Tin cierto hendenan cu tin hopi manteca riba nan cabes, pero tur dia nan kier pasa pa hende drechi den programa di radio rochela.
Pa sconde nan propio berdad, constantemente nan ta trece storianan bieuw dilanti, cual ya a keda bari for di mesa pa varios huez.
E atake politico ta keda riba storia bieuw di Lotto pa Deporte. Dos payaso tur dia ta keda ripiti e mes un disco raya, pa asina nan sacia nan sed di odio.
Loke nan ta sconde pa pueblo y pa nan audiencia di nan partido ta e hecho cu tin hende cu a cobra smeergeld for di Lotto, pero den caso aki no na Aruba, pero for di Canada. Esaki sigur ta algo masha grave mes cu tambe por wordo categorisa como corupcion.
Cu e placa cu hendenan hopi cerca di Mike Eman a ricibi como smeergeld, nos no por jame nada otro, hopi mucha por a wordo yuda cu fondo pa deporte.
E acto criminal aki contra deporte, ta splica cu Canada tabata gana hopi placa te cu nan a bay over na complace AVP politicamente pa acomoda cierto hende rond di e partido. Ohala deporte por a haya e placa aki, lo e por yuda varios team of bond deportivo progresa.
Ta pesey mes por analisa, cu ora cu Minister Endy Croes a bisa cu e lo draai bek e contract, algun radio rochelista a bira loco loco. Nan a bira raso! Nan a cuminza fulmina pisa contra e Minister, bisando cu no por!
Awor nos ta compronde dicon nan a bira asina raso! Claro! Pasobra si contract draai bek, nan entrada lucrativo tambe lo yega na fin.
Nos lo duna nan mes e oportunidad pa bin dilanti y splica pueblo. Nan mes mester por haya curashi pa splica deportistanan cuanto placa nan a haya cu a bay directamente den nan saco puramente pa acomodacion politico.
E holoshi ta sigui draai. Esnan cu actua manera haragan y hunga santo, nan mes lo cay, poco poco, un pa un. Ta ora pa nan sali duna pueblo cuenta ken a haya placa directamente di Canada y nan a kere cu e lo keda secreto!!
