“Ken lo keda na e luga sagrado? Esun cu ta limpi den su obra y pensamento, esun cu no ta loco tra’i e fandanganan di mundo y cu no sa hura falso tampoco”. ( Salmo 24,3b-4)

Hopi biaha nos ta puntra nos mes esey of si nos tambe lo bin na remarke pa ta cerca di Hesus of cu Hesus den e Reino cu tanto nos ta anhela y hasta t’asina cu tin hende ta asumi cu nan ta cla caba pa drenta y ta lubida cu nos pensamentonan no ta manera e pensamento di Hesus! ( 1 Cor. 3,20) Nos mester cuidao kico nos ta pensa, papia y actua den nomber di Hesus paso nada robes no ta sali di Hesus y nos ta lesa cu sabiduria di mundo ta cos di loco pa Dios (1 Cor. 3,19) kiermen nos no por tribi di compara, ni asumi cu ya nos t’ey caba. Nos mester ta consciente si, cu nos ta Iglesia militante y cu tur cos cu nos mira, incluso nos mes ta pertenece na Dios y cu nos tin mester di Hesus y hopi tambe, si nos wak kico ta pasando rond di nos. Dios ta duna su amor y nos ta paga Dios cu desamor y traicion!  Ta bon nos puntra nos mes si e sabiduria cu nos ta kere cu nos tin ta agradabel of locura den bista di Dios.

Oracion: Señor Hesus manda Spirito Santo yena nos cu su gracia y donnan pa nos por ricibi un aumento di confiansa, fe y speransa den Bo amor y misericordia. Amen.