Crueldad total
Gobierno y Crisisteam ta sigui gewoon door cu nan regla abusivo contra entiero di pacientnan di covid
Mientras cu Crisisteam y Gobierno y DVG no tin ningun prueba den nan ponencianan treci dilanti, nan kier sigui cu nan propio regla di entiero pa pacientnan di covid, cual ta chupa for di nan duim.
Redaccion di Solo di Pueblo a haya yamada di telefon di famianan, cu ta bisa cu nan a dera nan ser keri na Ad Patress Funeral Home, y aki tambe, nan no por a ni sikiera despedi di nan ser stima. Un tristesa enorme ta reina serca famianan.
Mientras cu tur instancia rond mundo ta bisa cu un defunto no ta plama contagio, e expertonan di awa dushi na Aruba, Sra. Koolman di DVG, Sr. Hermans di Crisisteam y hopi otro kier sigui opreciona e pueblo, net den momento di dolor.
Esaki no ta capricho? Pa e fout cu nan a haci desde Maart 2020, y kier hunga Super Woman, pa sigui opreciona e pueblo?
Un miembro di famia tabata yora recientemente, pasobra e no por ni wak su querida mama. Ta husto pa Sra. Koolman ta hunga cu dolor di hende dje forma aki?
Si bo puntra DVG pa saca un papel, un prueba, un estudio, un maneho di WHO, un maneho di CDC, of di RIVM, nan ta keda boca yen di djente, pasobra nan no por saca nada.
Pero, loke parce cu nan no sa, ta e dolor cu nan ta keda ocaciona famianan den pueblo. Ta curazon di piedra bo mester tin, sin gevoel, pa bo ta actua sin ningun base contra pueblo. Ta proba cu ningun defunto rond mundo ta plama Covid. Pues, pa scapa pejeho di e error cometi desde Maart 2020, awor kier keda tene na e regla, sin importa cuanto dolor nan ta cuasa na famianan. Sra. Koolman y Sr. Hermans por drumi anochi?
A purba di trece e personanan aki pa nan recpacista, pero parce cu e capricho personal ta mas grandi cu e sentimento di hende.
Hasta cuando? kier pretende di ta mas experto cu loke WHO, RIVM y CDC ta recomenda?
Si desde comienso ba haci fout, no por por drecha e fout dor di sigui haci mes un fout. Ta ora pa bo recapacita!
SOLO DI PUEBLO ta rechasa totalmente e crueldad aki di TUR den crisisteam, cu ta parce poco hende sin curazon.
