For di dokter Aron Verschuur di KIA a haya informacion cu actualmente no tin ningun detenido positivo cu Covid, pero solamente un caso sospechoso cu despues e test a sali negativo. Pa loke ta trahado di KIA,tin shete positivo cu a ser manda cas y tambe e coleganan cu a traha directamente cu e shete trahadonan positivo tambe a manda nan cas. Dr. Verschuur ta splica cu departamento medico di KIA tin un plan unda constantemente ta controla tur detenido cu tabata den contacto cu e trahadonan cu ta positivo. Tin control constante pa mira si e detenidonan por tin sintoma y asina testnan mesora pa Covid cumpliendo cu tur criterio di DVG. Momento cu un detenido bay hospital tur profesional envolvi ta cumpli cu nan labor y nan ta haya e trato mescos cu tur otro pashent. Di parti KIA a tuma tur medida unda cu e detenidonan a haya tapa boca y habon special pa laba nan man frecuentemente y tambe tin limpiesa constante den e espacio cu e detenidonan ta frecuenta. KIA ta den contacto cu sindicato y representantenan di detenido p’asina tene tur hende informa di e situacion. KIA tin material di proteccion y ta solicitando mas material pa tanto e trahado como e detenido y alabes ta buscando otro opcion pa mantene e trankilidad den KIA.  

LEAVE A REPLY

Please enter your comment!
Please enter your name here