Ultimo Tempo ta hopi informacionnan nos a trece ariba e situacion interno di SEPPA nos ta trece un recapitulacion, esta ripiti brevemente loke nos a publica, nos ta haya:
- Un deficiencia grandi di Democracia:
a. For di 2013, miembronan no a ricibi informacion y segun revistanan di SEPPA no tene eleccion pa directiva di acuerdo cu statutonan;
b. No tin directiva pa cumpli cu statutonan, articulo 19;
c. Pa controla e maneho di Comite Ehecutivo, annex Secretario General;
d. Pa controla e maneho financiero di SEPPA;
Pues 12 aña sin ningun sorto di Control ariba e Comite Ehecutivo/Secrtario General.
2. No tabatin formacion di acuerdo cu informacionnan den revistanan di SEPPA, for
di 2015. Esaki a trece consecuencianan grandi pa SEPPA:
a. E falta di un plan di formacion a haci cu SEPPA no tin lidernan nobo , esta no tin
e generacion di relevo pa tuma over;
b. Fayo di Secretario General di no busca candidatonan pa directiva di SEPPA;
c. Secretario General ta eherce e funcion aki ya pa 25 aña y sigur kier bay 10
aña mas;
d. SEPPA pa mas cu 12 aña ta luci stanca pa loke ta e lucha sindical.
E falta di un plan di formacion ta e causante cu no tin e generacion di relevo den SEPPA
3. E codigo di bon gobernacion/administracion den sindicato, no t’ey den SEPPA:
a. No tin respet pa statutonan;
b. Secretario General M. Brito ta yama eleccion sin tene cuenta cu statutonan;
c. Secrtario General no ta tene cuenta cu reglanan democratico ora ta yama
eleccion;
d. No ta informa miembronan prome cu ta bay tene eleccion;
e. No ta pidi miembronan pa pone nan mes como candidato pa wordo eligi;
F. No ta pidi miembronan pa bay vota ariba un fecha stipula;
4. Secretario General M. Brito falta hopi pa ta integro:
- Pa añanan e no ta duna informacionnan via organo oficial Noticia-SEPPA;
- No ta informa miembronan kendenan ta forma parti di Comite Ehecutivo;
- No ta informa miembronan tocante e Congreso Anual, su desicionnan, etc.;
- Pa loke ta directiva tin bruhacion total, un biaha e ta bisa cu ta busca candidato pa tene eleccion, otro biaha ta papia di directiva sin bisa kende nan ta;
5. Secretario General M. Brito no ta apto pa e trabao sindical:
a. Un sindicalista cu ta negocia 10 anja pa firma un CAO cu Post NV. No Por;
b. Un sindicalista cu na 2010 a firma un protocol pa pensioen di APFA cu despues
di 7 aña ta analisa e cambionan, toch despues di 4 aña, na 2014 ta firma un
protocol nobo pa hisa Franchise=Baha e pensioen cual a perhudica hopi
pensioenado;
c. Secretario General M. Brito no ta informa, ni consulta cu su miembronan;.
d. Secretario General no tin respet pa statutonan, ni pa veredicto di un huez;
Miembronan di SEPPA, saca un conclusion pa bo mes.
E recapitulacion aki ta demonstra e falta di maneho o mihor bisa e desaster cu ta existi den SEPPA actualmente. Nos ta bolbe ripiti cu SEPPA tin un tremendo y unico infrastructura sindical na Aruba, nos tin un Sede grandi, cu su sala di Congreso pa 75 te 100 persona, nos tin un cooperativa grandi cu e miembro por spar y hasta presta placa, te F 25.000, ora ta necesario.
Ora nos analisa cu ariba tur e fayonan y acusacionnan treci den prensa, Secretario General di SEPPA ta defende su mes cu un silencio, pasobra e sa cu tur info ta berdadnan crudo.
Tur miembro cu ta pensa por comprende kico ta pasando.
E situacion ta bira pio ora nos tuma na cuenta cu Sra Brito ta tesorero di e Cooperativa di miembronan di SEPPA y ta esun mas responsabel pa preveni e ladronicia di F 382.000,= cual a tuma lugar durante 9 luna y despues ta nenga di cumpli cu veredicto di Hues .
Si tuma na consideracion di tur loke a ser treci prome, e poblema ta grandi. Hopi ta bisa cu e miembro cu ainda ta apoya Secretario General M. Brito no por pensa bon y ta apoya algo extremamente negativo. Consecuentemente e mester tin un problema di moral.
Miembronan di SEPPA apoya C.R.D.S. Comision pa Restaura Democracia den SEPPA.
E Comision pa Restaura Democracia den SEPPA ta trahando fuertemente, Tin listanan ta pasando ront pa miembronan firma y respalda e accionnan pa trece cambio den SEPPA.
Un apelacion na tur miembro, apoya e accionnan y ban haci di SEPPA un sindicato cu basenan firme di democracia cu su eleccionnan, un sindicato luchador.
Un sindicato cu lidernan nobo y cu ta planta respet!!
Gregorio Wolff MIchiel G. Croes
