Carta ricibi di lector:

Diasabra siman pasa Aruba por a mira su seleccion contra di Surinam den eliminatorio Qatar 2022. Un seleccion di Aruba cu for di ora a sali di Aruba tawata un seleccion destina pa wordo derota. Dicon? Ja cu e seleccion aki a cuminsa for di november aña pasa bou guia di un staff local cu tawata prepara e hungadornan mientras presidente di AVB tawata haci loke e kier y a tuma decision pa bin cu Stanley Menzo como e persona cu lo ta encarga cu seleccion nacional di futbol.

Sr. Menzo a yega final di Jan ’21 y a tuma over. A sigi train cu mas di 40 pa 50 hungador. Den luna di maart a cuminsa baha esaki pa jega na e 23 nan, apesar cu e staff cu a cuminsa a indica na AVB cu mester haci tur posibel pa toch trece e hungador prof y di nivel profesional, nada no a wordo haci manera cu Surinam si a haci. Surinam a bringa te ultimo pa su prof spelernan representa nan pais.

E ta jammer ora bo wak e fisica di nos hungadornan. E pregunta ta cuanto biaha e team aki a train den gym? nan plan di alimentacion? ken a controla nan medicamento ? fisicamente y a preparanan mentalmente pa loke nan ta bai topa den e clasificacion aki ? Aruba tristo cu nos kier sigi hunga cu e nomber di nos pais di e manera aki. Ta Basta.

Ta ora pa bin aire fresco den AVB:

Un presidente dictador cu esnan cu e tin influencia ta haci y deshaci anto futbol ta sufri. Ta ora pa dirigente lanta for di soño. Wak bon ultimo tempo den prensa ta clubnan cu ta su amigo y ta apoye e presidente so ta benifecia cu huur cada rato di nan fasilidad mientras otro club nan no ta bin ni na remarke.

Stadionnan na werki aunke nan no ta di AVB dicon no a pone pia abao no ta drecha stadion. No tin futbol, ki mishi e placa di FIFA Y CONCACAF ta mucho hopi pa djodjo cu ne, pesey mi no ta wory cu hungador kibra pia, bira enkel riba veld malo nan aki. Contal ami como presidente biaha haci show y dirigente di club sigi tolera bagamunderia.

AVB pa medio di su presidente y secretario general lo sigi haci y deshaci, anto futbol lo sigi sangra muri anto no di COVID sino door di poder pa keda sinta djodjo riba custia di futbolista nan. Palabra di grandi nan bo no por elogia, algo ta malo paso e ora bo ta mes malo cu nan.

Ta tempo pa bin un cambio drastico den futbol. Hungadornan local di futbol tambe mester lanta para y cuminsa exigi respet, sino no ta drecha e stadion nan manera mester ta. No ta hunga niun wega bou di AVB tambe, exigi pa wordo trata manera mester ta ora ta yama pa Seleccion. Basta cu show personal pa probecha di futbol.

Den gang tin papia cu presidente di AVB ta un cadidato fuerte pa ta den e prome 10 riba lista berde. Si ta e caso, miho e bay di awor ya futbol por hala rosea atrobe. Na tur cu ta biba lekker den AVB, beneficia nan mes, corda atrobe kico a pasa den FIFA y CONCACAF, paso tin hende ta beneficia cu academia y tambe cu huurmento di auto den AVB. Esaki ta dijs un tiki di bagamunderia cu ta tumando luga den AVB.

*Nos no ta contra hungadornan di seleccion, en cambio nos kier pa nan no laga nan mes wordo usa mas pa tapa mal maneho di e dirigente di AVB.

Te aki e carta ricibi di lector.

LEAVE A REPLY

Please enter your comment!
Please enter your name here