ORANJESTAD – E di 6 edicion di “Bos di KiNiKi” mini-merengue Festival di 19 di september 2021, ta ser dedica na e cantante Rodrick “Rocco” Franken.
E meta di nos festival ta crea cancion nobo y bailabel den nos idioma Papiamento, presenta pa e futuro streanan musical di Aruba.
E cantante- y participantenan cu lo ta riba e escenario di Cas di Cultura diadumingo awo ta Zion y Xamarah Anthony, Muchanan Sabi bao guia di Edselyn Figaroa, Caylee Pieters y Paw Patrol di EZ Party. Pa e competencia Hailey Koolman, Esmee Flanegin, Caleb Fraser, Caylee Fraser, Luänny Ho Sing Loy, Tizianne Kelly, John Paul Rapista, Yetzenia Martines y Emmanuel Blanco Sanchez lo demostra nan talento. Nan lo ser acompaña pa nan grupo di baile y e princesnan di Cas Princesa Aruba.
E di 6 edicion ta ser dedica na e cantante local Rodrick “Rocco” Franken cu henter su bida ta demostrando gran amor patriotico pa e cultura musical di Aruba.
Ta recorda publico cu e reglanan di Dvg ta ser aplica y cu mester bini cu tapaboca.
E comishon organisado ta gradici Glitz Casino, DCA, Playa Linda Beach Resort, Setar nv, Cinema Paseo Herencia, Click Print, The art of engraving, Cabayero Barbershop, EZ Party sollution, Pittbul production, Lucky store, Super shopping, Wallpaintings Aruba y Popular Agencies.
