Diadomingo 15 di maart, Kiwanis Club of Aruba (KCA), e service club cu ta existi desde 1964, a organisa su famoso torneo di golf caritativo na The Links at Divi. E evento a wordo sosteni door di Aruba Trading Company como patrocinador principal, Elite Productions como patrocinador pa audio-visual, Yrausquin como patrocinador di e premio ‘hole- in- one’, 18 hole sponsors y alabes un cantidad di 100 hungadonan di golf.
Durante e ceremonia di premio Colegio San Hose a ricibi AWG 5000 pa nan STEAM room ( Science, Technology, Engineering, Arts & Mathematics) y Fundacion Sonrisa a ricibi AWG 5000 pa nan summer camp. E resto di e fondonan recauda ta wordo aloca na otro proyectonan y donacionnan di KCA manera por enehempel ‘Back to School’.
Jokoeza Hooplot, chair di e commission di golf ta comenta: “E torneo tabata uno yena cu ambiente y competencia amical entre tur ekiponan. Un danki di curason na nos socionan y patrocinadornan principal: Aruba Trading Company , Yrausquin, The Links at Divi Aruba y Elite Productions pa unabes mas colabora hunto cu KCA como un ekipo solido pa logra e exito di nos 16 orneo di golf caritativo”.
E ganadornan di e torneo ta como lo siguiente:
Closest to the Pin: Tony van der Linden
Longest Drive Ladies: Marianela Nemecek
Longest Drive Men: Jair Bogaerts
Best Gross: Team Peaky Birdies: James Oduber, Albert Raven, Charles Latham, Derrick Huntington
Best Nett: Team Total: Lorena Alvarez, Edsel Rooi, Greg Martis, Giovanni Atencio
KCA ta extende un danki di curason na tur hungado y hole sponsor (secuencia alfabetico): Advance HR, Aeropuerto International Reina Beatrix, AIB Bank, Arugas, Astec, Atlas Risk Solutions, , CMB Bank, Compliance & Forensic Services Caribbean, Ennia Insurances, Hyatt Place Airport Aruba Interport Logistics, Nagico Insurances, O41A Architecture, Papia Mia, Payroll Pro HRM, , RBC bank, Total Finance , y Ultimate Automobiles pa nan sosten financiero den e torneo aki.
Kiwanis Club of Aruba ta existi desde 21 di november 1964 y ta un di e service clubs mas antiguo di Aruba cu un total di 40 miembro. E meta principal di KCA ta pa mehora e bidanan di muchanan na Aruba. Esaki ta wordo realisa door di organisa diferente proyectonan pa recauda fondo, trabounan boluntario y proyectonan di concientisacion. Pa mas informacion tocante Kiwanis Club of Aruba por fabor bishita https://www.kiwanisclubofaruba.org of nos pagina riba Facebook.
