Ta increibel e declaracion cu Prome Minister a duna awe. Segun Wever Croes, cu diabierna ultimo ela conversa cu Knops, riba e motibo cu a cambia condicion pa nenga Aruba 136 miyon cu ta aproba pa CFT. Knops a bisa cu “ta logico”.

Pero, con por ta logico, si Hulanda conoce e situacion financiero di Aruba completamente? Y cu Aruba a schuif gastonan, a usa cierto placa pa paga salarionan, pero ta depende di haya prestamo?

Secretario di Estado Knops a bisa cu door cu no a firma na Juli y lo firma na September, e ora dos luna ta schuif.

Sra. Wever Croes a informa prensa cu el’a bisa Knops cu esey no ta un rason valido, pasobra nan sa masha bon con e situacion ta,  y cu nan no a ni consulta y ni informa gobierno di Aruba.

Knops a bisa cu e no ta haya necesario pa informa Gobierno di Aruba, pasobra e ta un cambio logico. 

Pa Wever Croes e no ta un cambio logico, pero ta un cambio hopi grandi y un falta di respet pa e forma cu nos tabata negocia cu otro.

LEAVE A REPLY

Please enter your comment!
Please enter your name here