Desde 1 januari 2025 Cuerpo Policial Aruba tin un maneho nobo den strategia nobo den communicacion. Esaki nifica cu Cuerpo Policial lo reacciona riba comunicado cu no ta cuadra cu e berdad. E reaccion di KPA ariba e medianan cu ta publica nan articulo, no ta basa pa ataca of crea enemistad. KPA su meta ta pa dialoga y uni cu otro pa asina informa e sociedad cu informacion corecto.
Cuerpo Policial Aruba ta reacciona riba e articulo publica dialuna 6 januari 2025 dor di AmigoAruba.com.
Nos ta cita e articulo:
“ Pers als Wapen, Hoe de journalistiek de samenleving verdeelt en instabiliteit zaait”.
Pa e publicacion di dicho articulo Cuerpo Policial no a wordo aserca cu niun pregunta y of aclaracion. Den e articulo publica pa AmigoAruba.com, e ta referi na e comunicado di KPA, na unda altocomisario sr Arnhem ta bisa cu e ta condena violencia contra miembronan di prensa pero como tambe contra tur otro hende. Den dicho articulo publica pa AmigoAruba ta wordo bisa cu altocomisario ta haya critica pa cu esaki y e punto di bista di Arnhem ta unilateral. E periodista encuestion ta enfoka diariamente negativamente den su articulo y red social. Di e manera aki, e periodista ta contribui den e division social y daño contra personanan.
Reaccion di parti Cuerpo Policial Aruba.
Na prome lugar violencia ta un acto castigabel cu semper ta condena pa polis. Actua contra violencia ta un di e tareanan central di polis.
Cuerpo Policial ta compronde cu e acusacionnan ariba persona den medianan social ta trese emocionnan desagradabel.
Pero no ta tarea di Cuerpo Policial pa guia, educa of controla e periodista den su trabao diario. Esaki ta keda na e periodista mes. E declaracion haci door AmigoAruba ta aproba violencia.
Imagina boso si polis mester permiti violencia “Den ki tipo di sociedad nos lo bibando ?”. Polis ta pa garantisa orden publico y seguridad di comunidad di Aruba.
Altocomisario Arnhem ta haci apelacion pa trankilidad, orden y respet pa otro. Acto di violencia ta na tur momento castigabel pa ley y por conta riba accion firme di polis.
