E barku di Marina Hulandes Zr.Ms. Holland, nabegando bou di bandera di Wardacosta di Caribe Hulandes, den e ultimo dos siman di desember a interseptá dos transporte di droga den laman Caribe. E asina yamá go-fasts a wòrdu detecta pa e avion di patruya di Wardacosta. Mes ora Zr.Ms. Holland a wòrdu activá pa bai interseptá e go-fasts. A lansa e boto rápido di e Holland ku a alkansá e go- fastnan. E sospechosonan y e contrabanda a wòrdu traspasá pa e outoridatnan di Aruba.
For di òktober 2022 Zr.Ms. Holland ta fungi komo stationschip‘ den e area di laman di Caribe e ta traha na turno pa Wardacosta di Caribe Hulandes of huntu ku Wardcosta Americano. Cu e dos ultimo intersepshonnan di droga e total di contrabanda ku Zr.Ms. Holland a interseptá ta yega un total di mas cu 10.500 kilo. En total e stationsschepen a interseptá mas ku 35.000 kilo den 2022.
