Dia di Himno y Bandera a keda transforma den un celebracion memorabel di tres dia largo celebrando cultura, orguyo, y union na La Cabana Beach Resort & Casino. Esaki a tuma luga riba 12, 16 y 17 di maart. E festividadnan a cuminsa cu un presentacion exclusivo di Royal Aruba Aloe, ofreciendo empleadonan un bista mas amplio riba un di Aruba su productonan local di mas renombra.
E sesion a inclui un bista den loke ta e compania su historia, herencia, y compromiso na calidad – te na e artesania tras di transforma aloe local den productonan inovativo. Creatividad tabata e centro di atencion c’un tayer di pinta boter dirigi pa artista local Angela. Empleadonan a disfruta
di un ambiente dushi como tambe interactivo cual a stimula bon energia entre colega mientras ta expresa talentonan artistico.
E celebracion a continua cu un charla educativo presenta pa Departamento di Cultura unda cu a profundisa riba e aprecio di Aruba su herencia rico y identidad unico.
Un Kahoot Challenge a sigui cual tabata un actividad cu a pone tur participante interactua cu otro den forma divertido y educacional, un competencia cu a trece tur hende hunto.
Loke a resalta di e evento organisa riba 17 di maart tabata un ceremonia di bandera. Matilde Benito su presentacion di nos himno nacional a inspira orguyo y emocion. E festividadnan a conclui na Chit Chat Café na unda cu empleadonan a disfruta di musica pa medio di Jerrino Bas y Chantal Quant, un menu special cu cuminda local, y decoracionnan hopi bunita – terminando e evento di tres dia cu un feliz y memorabel final.
La Cabana ta extende su gratitud n’e comision social, F&B Team, y tur empleado pa nan dedicacion incansabel, creatividad, y entusiasmo cual a duna bida n’e celebracion aki y haci cada momento uno extraordinario.
