Eagle Beach – La Cabana Beach Resort & Casino recientemente a organisa nan celebracion unda a reconoce e logronan y exitonan di nan empleadonan, supervisors, y teams durante di dos kwartaal. Nan a celebra esnan cu a mustra dedicacion excepcional, y trabao duro durante luna di april, mei y juni di 2024.
E premionan cu nan a ricibi tabata un testamento di e standard halto di excelencia cu nan tur a brinda na e hotel.
Den esnan reconoci, empleado di luna di april tabata Linda Mitchell, Front Office, empleado di luna di mei a bay pa Abelardo Restrepo, Housekeeping, empleado di luna di juni a bay pa Leo Thiel, Loss Prevention y Supervisor di e di dos kwartaal, Samir Hernandez, tambe di Loss Prevention.
E departamento di Loss Prevention tabata e ganadonan grandi di e Team di Dos Kwartaal, nan a briya y sobresali riba tur otro departamento.
Pa loke ta e ganadonan y esnan nomina, nan ta un berdadero inspiracion p’e comunidad di La Cabana Beach Resort & Casino. Nan esfuerso continuo ta contribui n’e exito di e hotel entre nos bishitantenan y doñonan.
Gerencia a felicita nan tur pa nan trabao duro y riba nan reconocemento na e evento special aki durante lunch, tumando e tempo pa aprecia y expresa gratitud. Un danki special ta bay na Food & Beverage Team pa prepara e dushi cuminda cual a haci e celebracion ainda mas memorabel.
Cu boso tur por keda inspira otro pa sigui desaroya y progresa.
