La Cabana Beach Resort & Casino orguyosamente a presenta nan Benefit Fair 2025, un evento anual dinamico organisa p’e team di Departamento di Recurso Humano pa subraya e beneficionan amplio cu tin obtenibel pa empleadonan. E feria a sirbi manera un plataforma pa promove salud, desaroyo profesional, y interaccion comunitario, reforsando La Cabana su compromiso na su team di empleadonan.
Esaki a keda organisa den e resort su Conference Room y Ballroom. E ‘Benefit Fair’ a inclui un variedad di area interactivo incluyendo un area pa haci massage, tabata tin popcorn y un stacion ful dedica na HR. Cada dia a inclui un experto cu a duna un charla riba un variedad di tema entre otro for di seguro te cu planificacion financiero pa bo crecemento personal y nutricion. Temanan cu sigur ta hopi esencial, cual un y tur presente a haya interesante anto a saca masha hopi for di e charlanan aki pa sigui expande den dje na cas.
La Cabana ta extende su aprecio sincero n’e socionan kende a contribui na e exito di e evento aki, masha danki. Citizens Insurance, Sagicor Life Insurance, Aruba Vision Center, PFTSA, Centro Desaroyo Humano, Plan di Bida, Y Nutri Center.
Nan participacion y expertisio a provee conocemento valioso y hopi extra recurso n’e empleadonan, yudando nan tuma decisionnan mas miho informa tocante nan bienestar y futuro.
Benefit Fair 2025 a reafirma La Cabana su dedicacion na stimula un ambiente laboral cu ta sostenibel y cu ta empodera tur empleado.
