EAGLE BEACH – Empleadonan y miembronan di gerencia a bini hunto pa celebra premiacion di tercer kwartaal, incluyendo nominacion pa empleado y supervisor di luna pa Juli, Augustus y September, tambe team di tercer kwartaal selecta pa 2021.
Tur nominadonan y ganadonan a wordo introduci por medio di nan supervisors y managers, y nan a wordo reconoci publicamente pa nan varios logro profesional. Nan a wordo presenta cu plakaat elegante, dinner gift certificates na Island Grill, manera tambe redeemable resort stars.
Empleadonan di luna cu a wordo nomina a keda invita cu nan managernan respectivo pa bini dilanti y disfruta di atencion bon mereci por medio di coleganan.
Ganador di Juli, Violeta Vargas, Housekeeping, hunto cu Rowgan Cobrador, Pool & Beach y Violeta Vargas, Housekeeping, a wordo nomina pa nan tremendo trabao.
Ganador di Augustus Manolo Valdez, Food & Beverage, hunto cu Seferina Werleman, Housekeeping, y Jean Raul Sylla, Cushina, tambe a wordo nomina pa nan bon trabao y dedicacion.
Ganador di September Lidnery Cruz, Housekeeping, tabata hunto cu Rafael Olivar, Activities kende tambe a wordo nomina pa su entusiasmo y pasion.
Ganador Rita Maduro, Accounting, tabata top pick den e supervisors, cu Adriana Tromp, Housekeeping, manera runner up.
Ganador, The Owners Services Team, a haya honornan top for di e teamnan, mientras cu Accounting y Housekeeping tambe a wordo reconoci pa nan logronan.
Ganador, Nilda Girigori, Housekeeping, a haya premiacion pa Manager di tercer kwartaal. Pabien na Nilda, bo ta un miembro hopi clave y tambe ehemplar.
E celebracion a inclui un snack box pa tur hende presente, General Manager Joe Najjar, y Assistant General Manager Jessica Franken, a reitera nan orguyo pa tur cu a logra y encurasha empleadonan pa sigui haci nan best pa brinda bishitantenan un bon servicio di curason.
E encuentro a duna danki na departamento di recursonan humano y food & beverage pa organisa un tremendo evento. Pabien na henter e team pa un trabao bon haci.
