E lab di mas grandi na Aruba ta keda yama tur pashent bon bini
LabHOH, e laboratorio di mas grandi na Aruba cu acreditacion ISO 15189 na departamento di microbiologia y representando tur disciplina, kier a recorda tur hende cu nos ta sigui brinda e servicio di diagnostica manera semper, segun tur norma internacional cu bo salud na prome luga. Tur prikpost di LabHOH den diferente skina di Aruba teโy pa sigui haci nan trabou di dialuna pa diabierna cu diferente orario pa asina acomoda tur hende. Y tambe desde 1 di oktober a introduci e sistema di prik te na bo cas. Un servicio cu a cay na agrado di hopi cliente cu no por yega cerca nos. Pues, trahando duro pa asina sigui mehora y brinda e servicio cu e pashent merece na un prijs rasonabel.
Ta importante pa tur asegurado ta na altura cu door di centralisa e parti diagnostico di laboratorio pa LabHOH lo tuma luga un reduccion drastico di gasto pa Aruba y den cuido medico. Y loke ta mas importante ta cu ta reduci gasto pero e cliente no lo sinti esaki mes den loke ta calidad di servicio.
Un avanse enorme na LabHOH por mira den loke ta technologia, calidad y tambe servicio. Banda di e hecho cu LabHOH a inverti den tecnica, e balor ta den e team di colega cu educacion halto incluyendo expertonan riba tereno specifico. Y sin lubida e acreditacion cu un biaha mas a logra, no obstante ta den un pandemia y brindando banda di esey e servicio di test di covid-19 pa comunidad di Aruba y turista.
Trankilidad di tur cliente ta nos prioridad y pues nos kier sigura cu e parti diagostioco di labHOH lo sigui manera custumber. Por acudi na cualkier di nos prikpostnan situa rond di Aruba habri di dialuna pa diabierna. Pa e orario di bo prikpost por contact 527-4901 of por subi www.labhoh.org.
