E fariseo a invita Hesus pa come pa hala atencion di e hendenan. No a ricibi Hesus e forma di custumber di antes. Durante cu nan tabata cenando, un muhe pecador a mustra humildad yorando na pia di Hesus, laba Su pia cu lagrima, a seca nan cu su cabey, sunchi pia di Hesus y hunta nan cu perfume. E fariseo a ricibi Hesus sin dun’E un sunchi, awa pa laba pia, paña pa seca pia ni a hunta Su cabes cu azeta. Su pensamento cu si Hesus ta un profeta ta laga un pecador mishi cu nE sin sa cu ken e tratando. Nos tin cu acerca enfermonan y mishi cu ”Cristo”. Nos ta renuncia nos bida comodo pa sigui e yamada di Hesus. Stima y mishi cu e pobernan, enfermonan y esnan bandona, sirbi nan cu ternura y compasion y laga nan mishi cu nos. E pecador a mishi cu Hesus y e tabata feliz con su curason a transforma. E paz cu Hesus a dun’e a recompenc’e pa su fe. Y nos ta cla pa mishi cu e ”Cristo” cu mester di nos?
Oracion: Oh Señor, laga nos sinti amor y compasion cu pecadornan y enfermonan. Yuda nos cuida nan cu ternura y laga nan mishi cu nos tambe asina nos cera paz cu Dios, cu otronan y cu Bo mes. Amen
