Investigacion ta sigui den DIP pa cosnan iregular
Dialuna mainta tempran Lands Recherche a bay DIP y a haci un detencion di un persona femenino di e departamento. Motibo di e detencion aki ta desconoci. Loke cu si ta conoci ta cu pa varios luna caba tin investigacion grandi tumando luga den DIP.
Na varios ocacion Autoridad a bay DIP unda cu hasta a confisca materialnan pa investigacion.
Tur cos ta mustra cu den tempo di Marisol Lopez Tromp, tin cosnan cu a sosode, cu tabata enpugna cu ley.
Aruba a conoce caso Aveztruz bao di maneho di ex director di Franklin Abath, caso Flamingo y Caso Aloe bao di maneho di Marisol Lopez Tromp, y awe un empleada a keda deteni den oranan di mainta na DIP bao di maneho di e director actual cu tin e mandato di minister di infrastructura.
