Imagina bo: dies homber cu lepra, isola di tur hende, ta mira Hesus ta pasa y grita cu tur loke nan tin pidiendo misericordia. Y Hesus, cu e amor cu semper E tin, ta contesta nan y ta manda nan pa e sacerdotenan, y mientras nan ta na caminda… bam! Nan tur dies ta keda completamente cura. Pero, aki ta caminda e cos ta bira interesante. Di e diesnan ey, ta un so a frena, a mira loke a pasa, y a bira bek pa gradici Dios di henter su curason. Y pa caba corona obra, e unico homber aki tabata un samaritano, un hende cu hopi biaha e otronan tabata menosprecia of desprecia. Hesus mes a puntra cu un tiki tristesa: “Unda e otro nuebe cu a cura ta?” Cuanto biaha nos mes no ta mescos? Ora nos ta den problema of mester di ayudo, nos ta pidi y grita pa E yuda nos, pero pareu cu nos ricibi e bendicion nos ta lubida di bira bek y bis’E danki? Laga nos purba pa nos bida di tur dia no ta basa solamente riba pidi, pero pa nos tin un curason cu semper ta keda gradici pa tur e milagernan, tanto e grandinan como e chikitonan, cu Dios ta haci pa nos cada momento.
Oracion: Señor Hesus, haci mi curason pareu na Bo curason. Amen.
