No tin claridad ainda riba kico exactamente a pasa, e team ta trahando.
Dialuna merdia SOLO DI PUEBLO a tuma contacto cu Ministerio Publico, basa riba rumornan cu a sali riba red social, unda un persona a trece alegacionnan serio dilanti, cual ta bisa cu no ta trata di intoxicacion sino di un dobbel asesinato. E persona ta cuestiona e silencio diparti di autoridad riba e caso di Latin Passions.
Ministerio Publico na su turno a contesta SOLO DI PUEBLO, unda nan no a desmenti ni admiti, pero si a bisa: E team ta bezig cu e investigacion. Poniendo tur cos hunto pa figure out kico exactamente a pasa.
Tabata diaranzon anochi dia 22 di juli pa 11:10 ora cu central di polis a wordo notifica door di AC cu nan a haya un yamada cu na Latin Passions na San Nicolas lo mester a topa cu 4 persona den e bar cu ta for di tino. A manda patruya como ambulance y tambe brandweer na e sitio di e sucedido. Na yegada enberdad a bin topa cu 4 persona di cual 2 no ta duna señal di bida. Dos persona( hende muhe ) a wordo atendi pa personal di ambulance y stabilisa y manda cu maximo urgencia hospital pa haya tratamento medico necesario.
Durante di un declaracion di e doño di bar haci na medionan di comunicacion, e ta bisa cu den e bar tin hopi sanger. Vocero di brandweer a bisa cu ora un persona intoxica, e por cay abao, y esey por causa sanger.
Cu e declaracion haci door di Ministerio Publico, por bin compronde cu e team keto bay ta trahando riba e investigacion y lo ta poniendo tur cos hunto.
Aki nos ta pone e comentario hasi riba red social cu den ora di atardi a core riba whatsapp.
Ministerio Publico
