E siman di trabou p’e fraccion di AVP ta sigui for di Washington, D.C. Entre e delegacion diplomatico di nos representantenan di pueblo, fraccion AVP ta presente cu cuater parlamentario mas nos presidente di parlamento. Riba e di dos dia di trabou, e delegacion tabata di bishita n’e estado di Maryland. Na Maryland a topa cu e Secretario di Estado, Susan C. Lee.
A subraya e importancia pa cu e relacion entre Aruba y e estado di Maryland. Durante e encuentro cu e politico Mericano a enfatisa e cooperacion estrecho pa sigui traha cu otro por medio di diferente ‘memorandum of understanding’ (MOU). Entre nan ta mira cu ta e momento oportuno pa hasta adapta y amplia riba varios otro topico cu ta di sumo balor pa nos isla.
Ya for di 2014, durante Gabinete Mike Eman II a concretisa diferente MOU, entre otro riba tereno di desaroyo economico, bienestar general, renobacion di ciudad, enseñansa, ciencia, cultura y esun di mas importante; turismo. Na final di e dos dia di trabou, e delegacion a presencia un presentacion di e avionnan di marina di ‘The Blue Angels’. E trabounan lo sigui te cu fin di siman for di e capital di Merca.
