LEMBEMENTO DI BOTTER! Turista Mericano a duna ‘wake up call’; A cuestiona actonan fies den bar na Aruba

BENNY NISBET (PPA):

‘ AUTORIDAD A ACTUA DESPUES CU TURISTA MERICANO A DUNA UN ‘WAKE UPP CALL’ PA CU COMPORTACION DEN CIERTO NIGHTCLUB NA ARUBA? ’

No kabe duda Aruba ta den un problema cu nos ‘salud publico’ serio awo cu casi 300 ciudadano local ta afecta cu Covid 19. E informacion aki a cay manera un bom den nos sociedad.

Autoridad a duna nan informacion ….. algo a bay seriamente robez !

No kabe duda cu nos comunidad ta spera cu lo tin un investigacion mucho mas profundo cu solamente indica cu e desaroyo aki lo a inicia cu un of 2 bartender cu lo tabata cu vacacion den exterior (Hulanda ?) y lo a regresa y sin bay den cuarentene lo a bay traha?? Nos a tuma nota cu parti di e informacion aki ta wordo rechaza pa e ‘’management’ di e establecimento. Pesey mes un investigacion mas profundo ta na su luga.

E consecuencia pa e ‘imagen’ di Aruba ta mucho serio pa solamente lucha pa ‘flatten the curve’ pero mester profundisa den locual a contribui na e resultado dramatico aki pa nos Aruba.

Articulo publica cu merece atencion !!

PPA hasciendo nos estudio di e informacion cu a sali den prensa local y internacional desde e.o. Aruba a habri su frontera a bin topa cu e sigiente articulo cu merece atencion debido y ta lanta cierto pregunta cu merece claridad!:

PPA ta referi aki na un articulo cu a wordo publica den e matutino DIARIO fecha 21 di juli 2020 riba pagina 6 bow di e titulo: “TURISTA MERICANO A CUESTIONA FALTA DI DISTANCIA FISICO Y COMPORTACION ‘VIES’ DEN BAR NA ARUBA’.

E articulo aki ta duna un indicacion di e actitud cu ta tuma lugar y cu aparentemente ta wordo permiti den clubnan nocturno mester a hala atencion di tanto autoridad arubiano instancianan encarga cu turismo arubiano mayornan y Aruba en general.

E articulo aki mester a sirbi como un ‘wake up call’ pa specialmente nos autoridad!

Ta trata di e locual un turista Americano a experiencia riba su ultimo anochi na Aruba algun dia prome.

Matutino DIARIO a saca e informacion aki di e un Facebook page jama ‘All things Aruba’ unda turista ta publica nan deseo di bishita aruba, nan preguntanan pero tambe nan experiencia na Aruba.

Aparentemente un dama Americano a duna informacion di locual e mes a wak y experiencia den un ‘nightclub’ riba e ultimo anochi di su bishita na Aruba.

PPA lo cita un parti chikito di e articulo aki………”

‘E persona a laga sa cu e tabata disfrutando di su ultimo anochi na un hotel aki na Aruba. Su sobrino y su amigo a bay un ‘nightclub’pa bebe algun drinks. E anochi ey, el a dicidi di bay tambe cu sobrinonan banda di 10.15 pm pa dal nan “last call cocktail”.

El a laga sa cu e lugar tabata basta aclomera y nan a prefera di keda na banda ya cu nan no a sinti mucho comfortabel mirando e aclomeracion.

A cuminsa paga e luznan di 10.30 p.m pa asina avisa esnan presente cu e ora di cera tabata cerca.. “Pa su consternacion”, e turista a bisa, el a wak un grupo di hende muher jong bay cerca e bartender, lansa shots posibelmente di Whiskey den e bocanan di e muhernan. El a wak un di nan, lembe e aparato cu cual ta spuit e bebida y tambe e bartender a hasi mesun cos, e turista mericano a splica. El a haya vies locual e mes por a mira.

Pesey el a haci un yamada na e turistanan y na e localnan relaciona cu e comportamento aki, cual no mester wordo tolera.

El a expresa: “Mi ta akinan pa duna support na nos di dos cas”.

El a cuestiona e establecimentonan na Aruba cu un practicanan asina. Esaki ta un berguensa! a manifesta.’

Nos ta akinan pa yuda boso recupera, a agrega.

“Mi ta resa pa e comportacion aki no trece cu ne cu Aruba lo mester bay cera frontera bek. “Mi ta sinti hopi tristo riba mi ultimo anochi na Aruba. Cathy Gardetto a publica riba e Facebook page.

Sigur esaki ta cosnan cu mester wordo treci dilanti pa no keda critica e turista so, pero pa wak kiko ta pasando na Aruba tambe y cu ta perhudica turismo pero cu na mesun momento ta pone henter Aruba na peliger.

E asunto aki ta bira un cuchio di dos banda ya cu kier pa e publico pasa bon.

Pero na otro banda e ta bira un asunto di salud publico y cu por tin contagio door di e tipo di comportacionan asina.

Y parce, pa colmo, cu e situacion aki no ta solamente na un of dos bar na Aruba, pero na varios of na hopi mas segun matutino Diario………..final di citacion!!

Awo kiko PPA mester constata awe……esta cu tanto e sra turista como matutino DIARIO a hanja razon cu nan informacion!!

Pregunta publico’:

PPA ta sinti cu ta nos deber di hasi e sigiente pregunta publico:

1. E articulo publica den e matutino DIARIO a hanja atencion den seno di gobierno, instancianan publico encarga cu turismo…….???

E contenido aki cu tabata un ‘wake upp call’ pa Aruba a wordo trata sea den seno di gobierno como otro instancia encarga cu turismo arubano??

1. E articulo aki a ricibi atencion di nos Gobierno specialmente nos Ministro di Turismo pero tambe nos Ministro Presidente y Ministro di Economia ?? Y kiko exactamente a wordo hasi despues di e publicacion aki cu ja kaba ta un 3 siman atras?
2. E protocolnan cu a wordo impone pa gobierno a wordo adapta despues di publicacion di e articulo menciona ??
3. E controle cu ta tuma lugar riba e ‘nightclubnan’ ta suficiente of lo mester wordo expande na un forma extra ?? Pasobra siere total di e parti aki di nos industria turismo a termina largo lo no juda nos economia tampoco. Ta nos pueblo/ nos hubentud mester wordo ainda mas conscientisa y e controle lo mester wordo expande den futuro cercano??

PPA ta consciente cu tur caminda di mundo unda cu e sector di turismo y barnan tabata sera a consecuencia di e pandemia cu den e prome simannan di apertura lo tabatata tin cierto ‘rush’ pa e sitionan aki.

Pero e pregunta cardinal segun PPA ta keda …..

5. Con ta controla cu e protocolnan ta wordo respeta y ehecuta ???

1. Gobierno a pensa pa organisa p.e. anochi di Informacion pa tanto ‘gerencia como trahador manera ‘bartender y waiters’ cu ta labora na sitio asina pa informa nan con pa funciona den e ‘new normal’ ?

PPA ta spera cu e articulo aki wordo mira como un critica constructivo na con pa mehora locual a bay seriamente robez mirando e presencia di un 300 caso positivo di COVID 19 den nos sociedad.

E articulo aki su mes no ta pa tira falta riba ningun instancia pero si pa mustra unda kizas cierto instancia of nos sociedad no a carga nos responsabilidad completamente!!

Na esnan cu a wordo constata ‘positivo’ PPA ta desea ‘beterschap’ y como conseho pa sigi e reglanan di nos autoridad riba tereno di salud publico.

PPA tin FE cu Aruba lo sa di drecha/mehora e situacion aki debidamente !

Sans Rancunes,

Aruba, 8 di augustus 2020 Secretario General di PPA

BENNY NISBET