E conclucion nobo di DIMP riba De Meza ta completamente correcto, no ta ningun sorto di “sacrifica De Meza pa belasting di 16 aña pasa”, sino un conclucion husto y correcto.
Ley ta permiti DIMP bay bek 16 aña of hasta mas
E ley ta menciona “cinco aña”, pero e no ta caba ey, si sigui lesa tras di e coma e ta bisa: “en maakt melding van eventuele omstandigheden die van belang kunnen zijn voor de integriteit van de beoogde ambtsuitoefening.” Na papiamento: “I ta menciona cualkier circunstancia cu por ta importante pa e integridad di e ehercicio di e funcion”. Pues e ley di screening no ta papia solamente di 5 aña, pero di cualkier circumunstancia cu ta regarda integridad. Aki tin varios persona cu ta lesa ley, y a equiboca nan mes!
Moralmente De Meza a faya den cumplimento di su debernan fiscal!
Esey te conclucion di Departamento di Impuesto DIMP, riba e screening di De Meza, segun e medio liga na AVP a publica awe.
Hopi kisas no ta comprende e totalidad di screening. E screening no ta solamente pa mira si e cuentanan di belasting ta aldia, pero tambe pa evalua si e candidato a cumpli cu ley den pasado.
E debate rond di e screening di Mike de Meza ta mustra un cos cla: e no ta limpi cu su obligacionnan fiscal. DIMP, como institucion responsabel, tin e derecho y e deber di investiga tur asuntonan relevante, incluso di 10 of 20 aña pasa, pa garantisa cu un futuro minister no tin mancha den su historial.
Compania inactivo of benta di inventario di compania
E ley di screening ta permiti investigacion fiscal pa evalua integridad, y no solamente pa mira si e cuenta actual ta paga. Si den 2009 De Meza a evita pago di impuesto via un compania inactivo, of keda sin declara benta di e propiedadnan di e compaia, esey ta un señal cu e no tabata completamente transparante. DIMP no ta “busca problema,” nan ta sigui e ley. E argumento cu “e caso ta di 16 aña pasa” no ta excusa. Si e tabatin un debe, e screening ta exactamente pa descubri esaki.
Segun 24Ora a skiribi den nan prome noticia, nan a bisa cu De Meza a bende compania sin declara e benta na belasting (ontduik belasting). A bin resulta cu e compania no a wordo bendi pero a wordo poni non activo. Loke si por a wordo bendi por ta e inventario di e compania, manera truck, tractor, machine industrial etc.etc.
Aparentemente te benta aki nan kemen, cu a wordo bendi, pero no a declara e benta.
Ademas, e hecho cu De Meza a bira minister previamente no ta garantia di su integridad fiscal. Awor e mester cumpli cu ley cu anteriormente no tabata tey.
Si De Meza kier bira minister, e mester a cumpli den pasado cu belasting y paga tur su debe, declara su belasting correcto y sin excusa. DIMP ta defende e interes di pueblo, no di politiconan cu no kier cumpli cu ley. E screening ta mustra cu tin duda serio riba su integridad – i esaki ta suficiente pa rechasa su candidatura.
Awe nan kier benta culpa riba tur otro hende, menos nan mes! Ta virando obvio cu De Meza no lo keda cla y ta bira ora pa AVP presenta un siguiente candidato pa ocupa e funccion di Minister. Enbista cu Richard Arends lo no pasa screening, awor e siguiente pa ocupa e funccion ta Heyliger. “Heyliger tin basta experiencia den energía y sigur ta e persona adecua pa e puesto”, un fuente cerca a laga sa.
