Un noticia cu a cuminsa circula riba rednan social y rednan di noticia internacional ta cu e astro argentino, recien ganador di Copa America cu su seleccion di Argentina Lionel Messi a yega na un acuerdo cu su club FC Barcelona pa firma un contract te cu aña 2026.
Riba portal di noticia di BBC ta bisa cu Messi lo keda FC Barcelona y a acepta reduccion den su salario di £123 millon cu a yega na su final na fin di juni.
Messi mes ta cu vakantie despues di a gana Copa America y ta spera na su yegada pa asina finaliza algun detaye cu falta pa firma su contract nobo cu dicho club.
Lo por ta existi un clausula di kibra contract despues di 2 aña, pero tur esey ta keto bay den discussion y ainda no a wordo finaliza.
E anuncio di e contract nobo aki lo por wordo haci despues cu Messi regresa for di vakantie, Joan Laporta president di FC Barcelona a declara cu meta principal di Barcelona tabata firma Lionel Messi bek y ta casi cla cu esaki.
FC Barcelona lo tin pensa di haci algun cambio di hungadornan tambe pa asina reduci gastonan di hungador y personal pa proximo temporada.
Keda pendiente pa mas noticia di futbol cu ta na caminda, pa campeonato nobo.
