Solo di Pueblo a haya informacion for di un fuente confiabel tocante un desaroyo interesante den e ambito politico. Segun e fuente, dos voceronan nombra pa Mike de Mesa a solicita un reunion urgente cu Ministro di Energia actual, Baba Herde.
Segun e fuente, e dos voceronan, un di faam A y otro di faam C, a presenta un lista cu 36 nomber na Baba Herde durante e reunion. Nan ta pidi pa considera e lista di 36 como “hendenan di Mike de Mesa,” y pa nan wordo nombra directamente y urgentemente pa traha na Ministerio di Energia.
E funcion cu nan ta pidi pa e hendenan incluyendo Secretaria, Telefonista, partidor di koffie, Recepcionista, Consehero, Chofer, Body Guards, Labado di auto y mas.
E razon principal segun nan ta, ta cu Baba Herde ta ocupando temporalmente e posision di Mike de Mesa, y como tal, segun nan, e tin obligacion pa sigui cu e decisionnan di de Meza.
No ta cla si e reunion a yega na un resultado concreto. Tampoco nos por confirma si Baba Herde lo sigui cu e peticion y efectua e nombracionnan solicita.
E lista cu 36 nomber completo a wordo entrega, y e precion tey pa nan haya un contrato di trabou immediatamente.
Awor mester warda pa wak kico lo ta e decision final di Minister Baba Herde den e cuestion delicado aki.
E hendenan di de Meza ta sinti nan mes laga na caya y cu Avp ta gobernando cu nan voto mientras nan mes ta afo.
