Diaranson, november 4, 2026 nos peloteronan di Little league Aruba seleccion U8 ta sali rumbo pa Punta Cana pa representa Aruba den e competencia internacional di Little League “Big Boys 2026” aya na Santo Domingo.
Aruba lo wordo representa pa peloteronan den e categoria U8 Little League Aruba cu a competi fuertemente durante e campeonato. E seleccion ta consisti di diferente ekipo di Central League incluso peloteronan di RedMachine, Sabana Grandi Jets, Grasshoppers y Rockets.
Despues di un campeonato di Little League bastante fuerte, unda cu hopi di e peloteronan a bataya contra otro, mañan ta subi vuelo hunto cu un solo meta pa representa Aruba.
E team di Aruba ta consisti di J’Veon Toppenberg, Ian Chirino, Dylan Fernandes, Nowi Ochoa, Xenon Croes, Zhyxion de Jongh, Bryson Marin, Brayden Briesen, Oliver Brete, Lyon Lopes y Jaylen Inacio.
E seleccion ta wordo maneha door di Manager Marwin Briesen (RedMachine) cu por sierto a gana campeonato di U8 invicto cu su ekipo durante campeonato di Little League. Naturalmente e ekipo tin tremendo sosten y guia di staff incluso Coach Bryan Lopes (Grasshoppers), Coach Danny Fernandes (RedMachine) y Coach Beno Chirino (Grasshoppers).
Den nomber di peloteronan, nos kier a gradici e pueblo di Aruba cu a sostene e ekipo aki den gran forma especialmente ATCO Aruba, Ecogas, Ecotech, Ecotech Freezone, Lotto pa Deporte, UTA, Garrison Security, Globopay, Odubros, Total Finance, AHATA, Eagle Aruba, Ennia y Printshop. Alavez nos ta yama danki na e organisacion di Little League Aruba pa e guia durante e proceso di preparacion. E team ta cla pa bataya den grandi y sigura un tremendo papel. Nos isla chikito, pero cu nos muchanan cu curason grandi!
Lo por sigui e pagina nan social di e ekipo pa asina keda informa na https://www.facebook.com/U8BaseballAruba
