Ora a anuncia cu WEB a firma contract cu Eagle LNG, mesora a cuminza un cantidad di storianan rond di e acontesimiento aki. Varios expertonan a sali for di kashi, y cuminza bagetalisa e projecto. Mike de Meza no a perde tempo y a cuminza skirbi cantidad di storianan sin base y di cual e sa masha bon, cu loke e ta bisa, no ta berdad.
E realidad ta completamente otro: WEB a inverti caba den 5 planta cu ta traha riba gas. Pakico no draai nan riba gas? Si no kier draai nan riba gas? Kico te plan? Benta e plantanan afo? of sigui draai nan 20 anja mas cu fuel oil?
Pues ta realmente increibel cuanto experto tin na Aruba, cu diripiente kier crea tur sorto di storia.
Por tin masha hopi otro forma di produci coriente. Hasta por tin planta nuclear. Pero, ken ta bay paga? Y cuanto pueblo mester paga pe prijs di coriente?
Pues, e unico option viable ta lng gas, cu lo reduci gastonan di WEB, pero tambe lo reduci emision di carbon den aire cu un porcentahe halto.
