Minister di Enseñansa a splica cu ta trahando duro riba diferente aspecto den enseñansa pa mehora esaki. E Vision di Enseñansa den Transicion 2021-2025 ta basa riba SDG 4, Doorlichtingsrapport y PEN 2023. Pa cu esaki tin hopi trabou continuo y paralelo ta tumando lugar.
Garantisa condicionnan basico pa un enseñansa bon y di calidad:
Un aspecto importante den enseñansa ta pa percura y garantisa condicionnan basico pa un bon enseñansa y di calidad den combinacion cu un clima di siguridad adecuado. Pa logra esaki mester tin condicionnan minimo na nan lugar manera edificionan adecuado y den bon estado pues bon manteni, lesmaterial actualisa, suficiente personal kwalifica y e cuido (zorg) nesesario pa alumnonan. Pues e condicionnan basico aki mester ta bon regla pa por garantisa un bon calidad di enseñansa. Sin e condicionnan basico aki lo afecta of lo pone bou precion entreotro kernfunctie di ensenansa manera kwalificatie-allocatie y socialisatie. E apoyo na e puntonan mas ariba describi ta nesesario y mester ta den un forma structural pa garantisa e exito di nos structura di enseñansa. Nos ta trahando duro riba esaki. Onderwijs
Ondersteunend personeel:
E sosten y apoyo na docentenan den enseñansa ta di vital importancia pa nos por cosecha exito y saca lo maximo di cada alumno. Pa docentenan por efectua nan trabou cu e maximo capacidad y concentra totalmente na duna les y yuda e alumno nan tin mester di un equipo na scolnan pa sostene e docentenan den e trabou bunita aki di educa nos yuinan. E equipo di sosten ta entre otro di Interne Begeleiders, remedial teachers, Schoolmaatschappelijke werkers, orthopedagogen y psychologen. Pues no sin mas nos por sera wowo pa esaki y esakinan ta un nesecidad. Sin e team aki e problemanan social emocional di alumnonan no ta haña atencion debido. Un team asina lo brinda alumnonan cu diferente tipo di problema e cuido corecto y nesesario. Esaki lo brinda e alumnonan cu dicho problemanan un mihor oportunidad y un mihor perspectiva pa un passend vervolgonderwijs. Esaki ta e manera ideal pa traha. Almomento e docente su so ta purba hasi tur cos cual ta condusi den posibel burnout of e ratio di meldziek ta aumenta comotal. Banda di esaki tanto concierge y IT ( awendia) no por wordo evita. Pues lo traha duro den proximo lunanan pa por determina cual ta e mix ideal pa brinda e sosten. E siguiente tarea lo bira con pa financia esaki pa asina duna contenido real na e enseñansa den su totalidad. Pa esey nos lo bay ta creativo.
Structura di salaris di docentenan:
Durante aña 2012/2013 a traha riba un functiehuis nobo y pues un structura di salaris nobo pa e onderwijssector. Nunka esaki a wordo implementa y awor esaki tambe ta 10 aña bieuw y no ta di e tempo aki mas. E systema actual ta basa riba edad, tipo di enseñansa y autoridad unda manera un docente alkansa 38 aña el a yega su plafond y no por crese mas. Nos lo implementa e aña aki dentro di poco un commision di expertonan pa traha riba un modelo y structura moderno di salaris pa docentenan.
