Den Jeremias 29:11-13 e palabra di Dios ta bisa lo siguiente: Pasobra Mi sa e plannan cu Mi tin pa boso, Senjor ta declara, plananan pa pas y no pa calamidad,pa duna boso un futuro y un speransa.
Anto boso lo sclama na Mi y bin haci oracion na Mi, y lo Mi scucha boso, Y boso lo buscami hanjami . Ora boso busca Mi cu henter boso curason.
Mayoria biaha bo ta tende solamente e parti di Jeremias 29:11 solamente, bo no ta tende ver 12+13, pero e secreto pa e exito ta den e vers 12+13.
Pa nos tin exito den nos bida, nos mester sinja perservera den Senjor, si perservera den oracion busca cara di Dios , manera Senjor ta papia cu nos den 2 Cronicas 7:14, mescos cu Senjor ta exhorta Josue den Josue 1:8+9, pa e medita den e buki di Ley, cual awe ta e bijbel pa nos, asina nos mester perservera den Senjor pa nos tin exito den nos bida, pasobra hende floho , lo no tin exito.
Tur cos tin un preis: ora Hose su rumannan a bende , ningun hende por a pensa cu despues di anjanan e lo bira Gobernador na Egipto y lo yuda su pueblo, cu cuminda, pero Hose a paga un preis halto e preis ey tin un nomber cual ta Fieldad na Dios, pasobra pasando den tur cos Hose a keda fiel na Dios, pesey locual hende a haci pa malo Senjor a cambie pa bon, pasobra ningun hende por para e bendicion di Dios pa bo bida.
Ora Dios duna bo un sonjo, y bo papia bo sonjo, hopi por sali bo dilanti y corre bay hacie, pero elo no resulta manera esun cu Dios, a duna bo, pasobra e sonjo cu Dios a duna bo ta unico, ta pa bo e ta y ningun hende por hacie manera bo, asina ta perservera den tur cos pa bo alcansa e meta.
Den Job capitulo 42 : 2 Job ta contesta Senjor y bisa : Mi sa cu Bo por haci tur cos, y ningun di bo propositonan no por wordo stroba.
Aki nan nos ta mira con Poderoso nos Dios ta , con Dios por purba nos prome cu e bendiciona nos, con ta bin un prueba cu kier pone nos para keto, pero den perserverancia nos ta logra, aunke bo por perde tur cos, y hasta ora bo esposa, y bo amigonan manera a pasa cu Job descurasha bo, sigi confia, pasobra na final ta Dios tin e ultimo palabra.
Den Juan 10:28-30 Hesus mes ta bisa : Mi carnenan ta tende Mi bos, y Mi conoce nan y nan ta sigui Mi. Mi ta duna nan bida eterno,y nan lo no perece nunca, y ni un hende lo no ranca nan for di Mi man. Mi Tata kende a duna Mi nan, ta mas grandi cu tur; I ningun hende no por ranca nana for di Mi Tata. Ami y e tata ta un.
Una bes nos ta den Cristo Hesus, laga nos perservera y busca santidad, pasobra sin pas y sin santidad ningun hende lo mira Senjor.( Hebreonan 12:14).
Ta tempo pa nos busca seguridad den Dios su promesa, pasobra e donnan y e yamada di Dios ta irrevocabel, y nos mester cuida y perservera pasobra e enemigo ta haci tur locual ta posibel pa nos no alcansa e meta.
Tene na cuenta cuanto prueba Pedro a pasa aden despues cu e a bira un disipulo di Hesus y bira un homber cu Dios a usa grandemente.
Sinceramente, Pastor Marcel Balootje
