Hopi hende den fe sa e palabranan di Dios den Bijbel y tambe di Dios Su 10 Mandamentonan, pero e persona cu a desvia den pika, ta haci net al contrario di Dios Su boluntad. E persona aki a wordo conseha y spierta di loke cu no ta bon, pero tog e ta sigi loke e kier haci. Durante tempo hopi hende a ripara di loke ta sosodiendo y nan a bay. Maske cu tabata tin diferente actividadnan, pero hopi hende atento nan wowo a habri. Esnan den e grupo cu ta apoya e persona aki, nan ta critica un banda so, pero nan no kier acepta e otro banda, pesey nan ta keda ciego y mudo. Tabata tin discusionnan, desconfiansa, rabia y pleito den e pareha y esey ta bini pa motibo di infieldad den matrimonio. Tentacion den pika ta grandi, pero esey no ta motibo pa comete adulterio cu otro homber y esey tambe a causa e divorcio. Maske cu a papia cu e muher divorcia di su errornan aki, pero tog e kier sigi cu su bida asina. Ta con bo por bisa, cu bo ta consulta na diferente bruhanan, den tarot y bo ta laga un persona medium bin papia, anto bo ta bisa, cu bo no a haci nada malo. Esey ta actonan condenabel pa Dios den fierno. Anto asina tambe tur esnan cu ta anda cu e muher divorcia, nan tambe ta complice di su actonan di error y di pika. Con bo por bisa, cu nos tur ta pekador, pero bo mes a cay den tentacion di adulterio, anto esey ta pasobra bo mes a hacie’le concientemente. Bo a confesa na Pastoor, pero tog bo ta sigi cu e mesun caminda desvia, pasobra bo mes a bisa, cu bo no por laga e amante. E casa a sufri y a soporta pa hopi tempo, berguensa, trauma, duele y rabia pa motibo di infieldad di e muher, pero danki na Dios cu e consehonan y e oracionnan a yude’le. Pesey, ta con bo por haya un milager, si bo mes persona a ofende Dios asina tanto? Anto bo a perde tur sentido di pika. Bo a perde tur e gracianan di Dios, bo a perde tur e donnan y e talentonan di Dios y tambe tur e ganjamentonan y e falsedadnan ta pikanan grandi nan ta. Na e grupito cu ta apoya e muher divorcia, bosonan tambe ta complice di tur su actonan, pasobra complicidadnan den pika y den error di otro hende ta condenabel pa Dios. Awor, e tereno di oracion a wordo sera pa motibo di ganjamento y falsedad. Ta con un persona por papia, resa, predica y mientras cu e mes ta biba den adulterio, den infieldad, den divorcio, den ganjamento y den consulta cu bruhanan? Ta con un ciego por guia un otro ciego? Kiko un creyente tin di haber cu un pekador? Kiko husticia tin di haber cu esun cu a desvia? Kiko lus tin di haber cu scuridad? Ta na unda e obedencia a keda na Iglesia, pa no tin ningun actividadnan mas? Tambe bosonan den grupito no tabata sa, cu ta e autoridadnan di Iglesia mes a pidi pa sera e lugar?Pesey, loke cu no ta bini di Dios, ta caba.
