Diahuebs 17 di october, Lotto, e loteria di Aruba, ta contento di por anuncia un integrante nobo “Stack-O-Cash” den e famia di Instacash cu lo duna bo e oportunidad pa gana placa cash al instante!
Abo ta cla pa gana placa instantaneamente y no mester warda pa sorteo? Desde diabierna awo, 18 di october Lotto lo trece un adicion mas na e famia di Instacash cu ta yama Stack-O-Cash.
E wega di Stack-O-Cash ta costa solamente 3 florin cu lo tin diferente premio cash y bo por gana te cu Afl. 5.000,-!
Con pa hunga?
Bishita bo rebendedo di Lotto preferi y pidi pa bo Stack-O-Cash di Instacash desde diabierna awo. Ora bo cumpra e wega di Stack-O-Cash, bo ta ricibi un ticket for di bo rebendedo preferi. Ariba e ticket bo ta wak diferente simbolo. Haya tres (3) di e mesun simbolo y bo ta gana e premio indica den e seccion di premio abou. Dependiendo cua simbolo bo match bo por wak cuanto bo ta gana den e seccion di premio. Bo tin chens di gana premio maximo di Afl. 5.000,-!
Instacash ta dunabo e oportunidad pa hunga bo weganan preferi manera 5X The Cash, 10X The Cash, 20X The Cash, Bingo, Money Tree, Match for Cash, Gold Mine, Hot Numbers, e famia di Instant Jackpot, Tic Tac Cash, Shooting Star, Buckets of Cash, Strike y awo Stack-O-Cash cu ta dunabo e chens pa gana placa al instante!
Lotto, E Loteria di Aruba tin diferente wega, Catochi, Big 4, 1-OFF, Zodiac, Wega di Number di Korsou di Lotto, Lucky 3, Multi-X, Lotto di Dia, Lotto 5, Mini Mega y cu su Mega Plus y e diferente weganan di Raspa y Gana y Instacash. Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
