Segun Fiscal esaki ta afscheidsbeleid.
Durante e tratamento di e caso den corte, Huez a bini tambe riba e relacion di Benny cu doño di Holiday Inn Hotel, Sr. Lowenstein. Anteriormente ta conoci cu Sr. Lowenstein a cumpra su acusacion, pagando 1 miyon florin, pe no aparece dilanti corte. Cu esaki e ta auto culpa su mes di loke nan ta acuse.
Huez a puntra Benny for di ki tempo e conoce Lowenstein pa cual Benny a bisa cu ta for di tempo cu Lowenstein tabata envolvi den Hotel Bushiri.
Tambe algun aña pasa, Benny a haya un regaldo for di Lowenstein, unda el’a organisa fiesta di cumpleaños di su yiu muher y Lowenstein a treat y paga e gasto.
Tambe huez a puntra Benny si e sa cu Lowenstein a sponser su campaña na aña 2013, pa cual Benny a bisa cu si, e ta na altura, pero e no sa cuanto.
A resulta cu algun dia prome cu eleccion na September 2017, Lowenstein a haci 5 donacion di 10.000 pa un total di 50 mil florin. Remarcabel ta cu mesora despues, prome cu Benny a baha como minister, el’a firma tereno pa Lowenstein. Fiscal ta considera esaki como soborno y afscheidsbeleid, esta cu e donacion di Lowenstein, cu tabata uno grandi, a move Benny pa asina fix tereno pe prome cu Benny a baha.
Huez tabata skerpi cu preguntanan y remarke, unda entre otro a bisa cu desde 2015 Lowenstein a pidi tereno erfapacht, pero te despues cu a haci donacion di 50 mil na September 2017, e ora den un frega di wowo a fix su tereno pe haye na October 2017.
Benny a admiti di conoce Lowenstein y cu e ta un persona cu ta biaha hopi, y ora cu e ta na Aruba, e ta sali pa dinner cune.
