Ora cu luna di maart a yega su fin, Fundacion ABO ta mira bek cu gratitud riba un Luna di Conscientisacion di Cancer na Tripa impactante danki na compromiso comunitario, colaboracion y responsabilidad comparti pa salud di Aruba.
Union ta marca e diferencia.
Durante e luna, departamentonan di gobierno, negoshinan priva, profesionalnan di salud, organisacionnan comunitario y residente di tur parti di nos isla
a uni pa sostene prevencion di cancer na tripa. Esaki a crea espacio pa sinti inspiracion y alabes tambe e sentimento di humildad pa mira con hopi hende a tuma accion y un paso pa yuda haci screening mas visibel, mas accesibel y mas normal.
E espirito di union aki ta sinti mas significante door cu e a tuma lugar den e mesun luna cu Aruba ta celebra Dia di Himno y Bandera, un momento pa reflexiona riba ken nos ta como comunidad.
E reaccion riba conscientisacion di cancer na tripa e aña aki ta demonstra cu cuida salud di otro ta parti di nos cultura.
A surpasa expectativa di participacion.
Durante luna di maart, pa medio di e programa di screening CORESA, 1015 FIT test a wordo distribui pa henter Aruba. Cada test ta representa un paso importante den un posibel deteccion tempran di cancer. Na momento cu cancer na tripa por wordo trata mas trempan posibel, e resultadonan ta mas beneficioso.
Cancer na tripa hopi biaha ta desaroya sin sintoma den su
etapa nan tempran. Esaki ta e motibo pakico screening ta asina importante. E FIT test cu ta wordo ofreci pa medio di nos programa di screening CORESA ta simpel, priva, y por wordo completa na cas. E ta yuda detecta señalnan di alerta tempran prome cu e persona sinti su mes malo, y asina ta crea espacio pa nos hendenan tuma e oportunidad pa actua tempran y proteha nan salud. Den e forma aki prevencion ta salba bida.
Un invitacion personal.
Residente entre 45 y 75 aña di edad ta wordo invita pa participa den e programa nacional di screening. Si bo ricibi un carta di invitacion for di Fundacion ABO, tuma e paso aki. Warda e yegada di carta via post y responde asina cu bo invitacion yega. E carta aki no ta un papel rutinario, e ta un oportunidad pa cuida bo mes y esnan cu ta stima bo.
Si bo no ta sigur si bo ta eligibel of no, of si bo ta desea mas informacion tocante screening di cancer na tripa, bishita fundacionABO.org/boaf
Organisacionnan, lugarnan di trabou y centronan comunitario cu tin interes pa organisa un sesi on informativo por tuma contacto via info@fundacionabo.org
Mientras cu e luna di maart a duna nos un momento pa para hunto rond di conscientisacion, e esfuerso aki lo procede. Screening ta continua durante henter aña. E programa di alcance ta continua durante henter aña. E compromiso pa screen Aruba pa cancer
di tripa, pero tambe boca di matriz y pecho, ta continua durante henter aña.
Nos ta extende sincero gradicimento na cada partner, doño di trabou y empleado, profesional di salud, boluntario y miembro di comunidad cu a yuda haci e luna aki posibel. Locual nos a mira e luna aki tabata mas cu simpel participacion, tabata responsabilidad den accion. Tabata hende scogiendo prevencion. Aruba cuidando Aruba.
E impulso pa colabora y participa na e programmanan di screening ta e comienso di un Aruba mas saludabel.
2
