Ruman ta p’esey mes nos no tin ningun excuus pa keda sin adora Hesus. Cu a lanta nos for di morto y a duna nos un bida nobo y nos a wordo salba ora Hesus a ser claba na cruz, Nos mester keda adora Hesus dilanti di Santisimo Sacramento y dun’E tur Honor y Gloria cu E so merece pa motibo di su obediencia perfecto na Dios Tata. Den su misericordia Infinito Dios Tata a manda Hesus pa salba nos di nos picanan cu ta mata nos sigur, p’esey ora tin un cruz nos mester corda Hesus su amor pa nos y nos tin cu debolbe e amor ey bek na Hesus, pa medio di amor pa nos ruman den tur sinceridad y humildad imitando Hesus modelo perfecto di obediencia, misericordia y amor. Nos tin cu nenga nos mes deseonan pa Hesus por obra den nos, manera E kier y forma nos segun su boluntad, paso di nos mes nos no por haci nada, pero cu Hesus nos por tur cos tur momento di nos bida!
Oracion: Hesus pa intercesion di Mama Maria, tur angel, santonan y specialmente mi angel wardado guia mi na e caminda di bon obra cu Dios a prepara caba pa nos. Siña mi bisa Hesucristo ta mi Salbador. Pa Gloria di Dios Tata! Amen.
