Ehempel di mal comportacion, ta pasando tur caminda, y tin hende ta kere ta cos di aplaudi:
Por ehempel video di bringamento di hubentud,
Video di baile indecente,
Video di palabra malo,
Video di inmoralidad.
Video di bruheria,
Video di ladronicia, manipulacion, traicion, rebeldia, falsedad, orguyo, arogancia, buracheria, parandiamento, tur esey ta cosnan anuncia den 2 Timoteo 3:1-5, den Galationan 5;19-21y den 1 Corintionan6:9-10, y den Romanonan 1:28-32.
Ta cosnan fastioso cu ta bin ta sosode pa basta tempo camba, y cu enbes di hende evita di haci nan, nan ta wordo promovi como negoshi, of pa falta di conocemento, of pa hende cu kier promove maldad.
Tene cuenta cu cada bes un video, negativo, sensual, inmoral, bira viral hopi ta wordo afecta y ta pensa cu nan tambe por hacie y e ta resulta nan malo.
Especialmente nos hobennan;
Tene cuenta cu no pasobra bo amiga/amigo ta bebe, ta droga, ta sali tur siman, ta bringa, ta frei cu diferente persona, ta bisti sunu, no ta respeta su mayornan, no ta respeta polis, ta corre auto sin rijbewijs, ta cana cu arma, ta horta hende, ta fia cos y no ta duna bek,ta ganja hopi,ta insulta,ta incoregibel, ta onbeschoft, papia palabra sushi, bo tambe mester join cune y haci mesun cos.
Busca e parti drechi pa bo bida:
Respeta bo mayornan, respeta ley y polis,bisti decente, wak pa bo ta na tempo tur caminda cu bo bay, evita violencia, no haci redo,sinja na scol, haci deporte, bay bo iglesia, busca Dios, haci oracion,come na ora.banja y tene bo mes limpi.
Pone Cristo Hesus central den bo bida.
Wak pa bo amistadnan ta decente y cu nan ta respeta bo.
Palabra di Dios ta bisa lo siguiente:
Esun cu anda cu hende sabi, lo ta sabi,ma un companjero di hende bobo lo sufri danjo.( Proverbionan 13:20).
No laga hende ganja boso,Mal compania ta danja bon custumber.(1Corintionan 15;33).
Bendiciona ta e hende, cu no ta cana den conseho di malbadonan, ni ta para den caminda di pecadornan, ni ta sinta riba stoel di bofonadornan, ma su delicia ta den e ley di Senjor, y den Su ley e ta medita di dia y anochi.( Salmonan 1;1-2).
Bandona e presencia di un hende bobo, sino lo bo no diserni palabranan di conosemento.( Proverbionan 14:7).
Esun cu warda su boca y su lenga, ta warda su alma di angustia.( Proverbionan 21:23).
Sumpinja y trampa ta den caminda di e hende perverso,esun cu warda su alma lo keda leu di nan.( Proverbionan 22:5).
No sera amistad cu hende cu ta gusta rabia, ni anda cu hende di mal genio, pa bo no sinja nan camindanan y pone trampa pa bo alma.( Proverbionan 22:24-25).
Nunca paga malu cu malo,na ningun hende. Respeta loke ta corecto den bista di tur hende, si ta posibel,asina leu cu ta depende di boso, sea na pas cu tur hende.( Romanonan 12:17-18).
Palabra grandi y fuerte cu ta conta pa nos tur tanto pa mayor como yiu:
Si boso a wordo lanta cu Cristo, sigi busca e cosnan di ariba,caminda Cristo ta sinta na man drechi di Dios.Pone boso mente riba e cosnan di ariba, no riba e cosnan cu ta riba tera.( Colosensenan 3:1-2).
Wak pa bo ta un persona cu ta yuda, reconcilia, y encurasha hende:
No laga ningun palabra danino sali for di boso boca, sino solamente palabra cu ta bon pa edificacion,
conforme e necesidad di e momento, pa esaki por duna gracia,na esnan cu ta tende.(Efesionan 4;29).
Nos ta yama pa stima otro, pasobra Dios ta amor, ora nos ta stima, nos ta imita Dios.
Sinceramente, Pastor Marcel Balootje
