For di algun dia caba tin un sistema di mal tempo cu a sali for di Africa y ta dirigiendo su mes pa Caribe. 

Contrario na e acostumbrado ruta, unda e lo bay noord, pa Sto. Domingo y Cuba, e sistema aki lo keda zuid pa cual tur pronosticonan ta mustra cu e lo ta pasando casi liña recta riba Aruba, Bonaire y Curacao. 

Na ki momento lo bira Horcan? 

Tin dos scenario, unda e por bira horcan despues cu e pasa Trinidad, of despues cu e pasa Aruba. Tur modelo y projeccion ta mustra cu e lo converti den horcan categoria 1 of 2, y lo bay dal den Nicaragua of Honduras. 

 Lo trece yobida fuerte

E unico informe na e momento aki pa Aruba, ta cu e lo bini cu hopi awacero. 

Tur cos ta depende si e bira un tropical storm den curso di dialuna pa diamars y despues mester sigui monitor na ki momento e lo bira un horcan. 

Mihor preveni cu lamenta

Tur cu por haci algun preparacion, por ehempel, limpiesa rond di cas, cual no ta ningun molester, ta consehabel pa ruim op. Haci poco preparacion. Si nada pasa, no ta nada! Si algo por pasa, nos ta adelanta. 

Lama cayente di Caribe ta dun’e forsa

Mientras e mal tempo yama Invest 94L ta den Oceano Atlantico, e ta riba awanan frieuw, pero una bes e yega Caribe, e ta topa lama cayente, cu ta humedo. Esaki ta e “fuel” pa e mal tempo. Pesey tur pronostico ta duna cu ora e yega Caribe, e lo crece di forsa y lo bira un Tropical Storm, cu ta haya nomber di Bonnie. 

Un Tropical Storm ta defini cu e forsa di bient a alcansa 39 milla pa hora. E lo bira Horcan categoria 1, ora su speed alcansa 74 milla pa hora te cu 95 milla pa hora. Categoria 2 ora e alcansa 96 milla pa hora te cu 110 milla pa hora, cual ta e pronostico cu e mal tempo aki lo converti, yegando Nicaragua diasabra awor. 

Meteo Aruba a informa masha breve

TEMPO TROPICAL SIGNIFICANTE: UN OLA TROPICAL FUERTE DEN PARTI CENTRAL DI

ATLANTICO, TA WORDO COMPAñA PA UN AREA DI PRECION ABOU. E OLA TROPICAL AKI TA WORDO VIGILA PA DESAROYO Y TIN UN CHANCE MEDIO GRANDI DEN PROXIMO 2 DIA Y UN CHANCE GRANDI

DEN PROXIMO 5 DIA PA BIRA UN CYCLON TROPICAL, MIENTRAS E TA MOVE DEN DIRECCION WEST RIBAAWANAN DI ATLANTICO CENTRAL.

Departamento di calamidad

Departamento di Calamidad di Aruba a informa cu nan ta monitor e mal tempo. Tambe nan a critica medionan local, bisando cu nan ta crea “hype” cu e informe. Algo incomprendibel diparti di BRA, ya cu henter mundo, tur noticiero ta raportando e desaroyo di tempo, y segun nan medionan local ta crea hype. 

LEAVE A REPLY

Please enter your comment!
Please enter your name here