Tin mama soltera cu ta nan mes deseo pa nan ta mama soltero , door cu nan kier un yiu, pero no kier casa.
Tin mama soltera cu a wordo bandona pa e tata di e yiu, tin mama soltera hoben cu accidentalmente a yega nan un yiu, etc .
Ora bo ta mama soltera bo mester para firme y fuerte den e palabra di Dios,
Romanos capitulo 8 vers 31-35 ta bisa : Kico nos lo bisa di e cos aki anto? Si Dios ta pa nos ken contra nos,
Mama soltera mester mantene su moral y respet pa su mes y yiu na halto.
Mama soltera no ta por ta un obheto di passion of un pasa tempo sexual.
Si un homber kier drenta bida di un mama soltera mester tin tanto amor pa e mama como pa e yiu.
Mama soltera no por pone amor pa un homber mas halto cu amor pa su yiu.
Mama soltera no por biba cu un persona cu e no ta confia banda di su yiu.
Mama soltera mester mantene su mes decente , pasobra esey ta e mihor ehempel pa su yiu.
Mama soltera no por ta parandera pasobra e mester educa , coregi y disiplina su yiu (Proverbionan 13:24).
No pasobra bo ta un mama soltera bo tin di bende bo mes pa bo sobrevivi.
Un mama soltera no mester soporta abuso y matrato di ningun hende djis pasobra e ta hanja sosten financiero.
Santiago of e buki di Jacobo Capitulo 1 vers 5 ta bisa : Ma si caulkier di boso falta sabiduria lage pidi Dios, kende ta duna na tur hende , generosamente y sin reproche , y esaki lo wordo duna na dje,
Tin hopi mama soltera cu a gana premio di decencia y respet cu a lanta yiunan bon y cu awe ta den posicion halto den nos comunidad.
Mama soltera mester esforsa y perservera pa studia , den tur seriedad posibel.
Mama soltera no por chansa banda di su yiu, e mester para firme den educacion di su yiu y lante den e palabra di Dios, pasobra e mes ta mama y e mes tata.
Mama soltera mester pone respet den su cas y guia su yiunan na obedencia, y mama no por ta esclavisa na alcohol of droga , ni tampoco hacido di redo, pero dedica su mes na su yuinan den e boluntad di Dios.
Den e buki di 2 Reynan capitulo 17 vers 12, nos por mira con Dios ta usa un mama soltera ( buida) pa su Gloria cual ta e buida di Sarepta na kende Dios a manda profeta Elias.
E muher aki den su obedencia a ricibi gran bendicion, esaki ta nifica cu un mama soltera no tin ningun motibo di sinti su mes inferior, pero e por sirbi Dios mescos cu tur hende y wordo usa pa Diosi. Pasobra Dios no ta discrimina ni rechasa ningun hende.
Laga Dios su bendicion baha riba cada mama soltera, y pa nan realisa cu Dios ta cu nan.
Sinceramente,
Pastor Marcel Balootje.
