Diamars mainta tempran, Avestruz a bolbe hinca cabes den tera, ora cu a detene Freddy Every, man drechi di Benny y hefe di su kantoor, den temporada cu e tabata minister.
Tur cos ta mustra cu Freddy Every tabata e brug entre Leoncita Arends y Benny Sevinger. E e mailnan di Leoncita cu a lek, ta mustra cu Every tabata haya sa di e terenonan prominente, y e tabata informa Leoncita. Leoncita tabata haya e prome choice pa escoge tereno. Djey Leoncita ta core traha carta, pa pidi tal tereno. Mientrastanto Every tabata informa Benny pa wanta tal tereno pa Leoncita.
Pues, Every a forma parti di e grupo, cu for di paden di oficina di Benny tabata maneha e realestate, y tabata faborece Leoncita.
Despues Every tabata manda e mail pa Leoncita, pa pidi e “cos”. Obviamente tabata pidi placa bao mesa na e grupo cumprador di tereno.
Nan por keda sin accepta nan accionnan, pero ta incorecto, ora cu for di paden, tabata faborece Leoncita Arends, cual na su turno, no tabata usa e tereno pa lanta su negoshi, pero su unico meta tabata pa bende e tereno, y Benny Sevinger tabata sa di esaki.
