Diabierna mainta SIMAR a publica su manifesto cu nan a entrega durante di nan manifestacion diahuebs atardi.
MANIFESTO
Awe, 25 di November 2021, Nos di Sindicato di Maestro di Aruba (SIMAR) y na nomber di tur su miembronan, esnan laborando den sector di enseriansa y tur cu ta comparia nos kier a haci entrega di e manifesto aki na Minister di Enseriansa y Deporte.
Cu e manifesto aki nos kier urgi Minister di Enseriansa pa actua na un manera sincero, respetuoso, honesto y cu confianza riba diferente aspectonan di sumo preocupacion serca e pueblo di Aruba henter. Esaki mirando cu ta trata di e futuro di enseriansa en general na Aruba, algo cu ta toca na prome lugar nos muchanan cu ta e futuro generacion, mayornan cu tin e futuro seguridad y stabilidad di nan yiunan como prioridad y pueblo henter cu ta consciente cu un pais sin un sistema di educacion efectivo y di nivel no lo tin stabilidad y seguridad socialeconomico.
E siguiente aspectonan ta riba tereno di material den nos scolnan y infrastructura di nos scolnan.
Hopi proceso di inovacion a inicia sin cu gobierno a suministra e material y crea e infrastructura necesario y adecuado pa esaki. Cu e consecuencia cu na lugar di logra e meta di haci nos sistema di enseilansa den scolnan mas efectivo, esaki en realidad a bira incompleto y cu mas estorbo pa cu concentracion y aplicacion di nos alumno y studiantenan.
Por ehempel kiasnan completo cu durante les, embez di ta haciendo ehercicio den nan laptop, ta sinta hunga wega etc. paso no a suministra e programa of sistema cu ta haci un control posibel. Motibo di esaki ta paso no tin placa y asina mes actualmente gobierno kier sigui corta mas den e presupuesto di enseriansa.
Riba tereno socialpedagogico nos ta wak un fenomeno monstruoso di alumnonan y studiantenan cu problemanan grandi pa funciona como persona, corda pa nan por funciona como alumno/studiante.
Por ehempel problema cu concentracion, comportacion, problema emocional y to hasta mental, problemanan socialeconomico den nan hogarnan y situacion di violencia y negligencia den nan hogarnan. Pues simpel bisa gruponan grandi di alumnonan cu no ta den un estado y situacion pa por ricibi enseriansa.
Maestronan sigur no tin e espacio/tempo y hopi biaha tampoco e expertisio pa por atende cu e problemanan aki.
Sinembargo a corta den e trabou y sosten di e trahadornan social den nos scolnan, enbez di amplia y fortifica e systema di cuido na scol. Den e area di ayudo cognitivo tambe a opta pa corta den asistencia specialisa manera remedial teacher y interne begeleider. Actualmente gobierno kier sigui corta mas den e presupuesto di ensehansa.
Un otro aspecto ta e condicionan secundario den e trabou di nos maestronan. Pa hopi afia caba e condicionnan di trabou di nos maestronan no ta haya e atencion debido. Por ehempel falta di material pa por duns lesnan cornpleto y efectivamente, falta den cierto aspectonan di hygiene den scolnan, mueblenan kibra y inadecua pa e salud fisico di nos maestronan y alumnonan. Pues hopi di nos rnaestronan ta traha den condicionan inadecua. E splicacion pa esaki??? “No tin placa!” Y actualmente gobierno kier sigui corta mas den e presupuesto di ensefiansa.
Stabilidad y seguridad den trabou ta e condicion primordial pa un funcionamento optimal di un trahado. E intencion pa continua pa un termino indefini cu e recorte di 12.6% ta causante di un instabilidad economico y di hopi preocupacion y intrankilidad pa e maestro. E efecto di e recorte aki riba pensioen di rnaestronan ta trece un sentido di inseguridad pa cu e maestro su futuro.
Nos ta terming urgiendo Minister pa cumpli cu ensefiansa. Nos ta para pa e derechonan di enseriansa di Aruba; nos alumnonan cu ta e futuro generashon, nos maestronan, nos coniunidad henter y e futuro di nos pais. Enseriansa ta e fundeshi di e pilar economico di nos pais.
Alavez nos como maestronan ta exigi un trato husto y cu respet. Nos no kier ta esnan neglisha pa gobierno mas.
Ta URGENTE pa Minister di Ensenansa actua AWOR y cumpli cu ensefiansal
Josep ine Albertus Presidente SIMAR
