No tin nada mas dushi cu un famia , uni ta algo masha bunita, y ta un mandato di Dios , segun Salmo 133, pero lamentablemente tin hopi atake contra famia, pa kita pas familiar y trece division.
Nos adversario e diabel ta enemigo di tur famia, pasobra ora un famia ta uni , nan ta demostra amor di Dios un pa otro y nan tin autoridad contra tur plan di e enemigo, pasobra nan lo uni den oracion y repende tur atake cu ta bini contra nan den nomber di Cristo Hesus.
Hacimento di redo ta sembra division den famia, ora hende ta papia riba otro nan ta habri porta, pa e enemigo drenta y cuminsa duna haci show, poniendo hende perde confiansa den otro y asina comunion familiar ta bay perdi.
Dios ta odia redu , orguyo , y arogancia segun Proverbionan 6 :16-19, pasobra redu ta trece desunion entre rumannan.
Palabra di Dios ta bisa den Efesionan 4: 2 : Cu tur humildad y suavidad cu pasenshi , soportando un y otro den amor, siendo diligente pa preserva e unidad di Spirito den e vinculo di pas.
Den Mateo 18 :19-20 Hesus ta bisa atrobe mi ta bisa boso, cu si riba tera dos di boso bai di acuerdo tocante di cualkier cos cu nan pidi , esaki lo wordo haci pa nan door di mi tata cu ta den cielo. Pasobra caminda dos of tres reuni den Mi nomber ey Mi ta mey mey di nan.
Victoria den famia ta cuminsa ora tin union den famia, hopi biaha pa falta di pordon, hende no por uni cu otro den oracion, pasobra palabra di Dios ta bisa den Marco 11:25 : Y ki ora cu bos ta para haci oracion, pordona si boso tin algo contra un hende, pa boso Tata cu ta den cielo tambe pordona boso, boso transgreshonnan.
E pas familiar ta hopi importante pa e crecemento spiritual, oracion ta algo hopi serio, pasobra ora nos ta uni pa haci oracion, Dios ta wak nos curason y nos fe cu nos tin den Dios, pasobra ta nos seriedad ta conta, no ta posibel haci oracion mientras cu nos ta ignora, y tin algo contra otro den nos curason, pesey nos mester pordona otro pa asina nos contacto cu Dios ta limpi, pa nos ricibi locual cu nos ta pidi.
Oracion no ta solamente palabra, e ta nifica comunicacion cu Dios, y pa comunica cu Dios, nos linja di comunicacion mester ta limpi, den su presencia, poniendo un banda e bida bieu di redu y discordia.
Pesey somete boso mes na Dios, Resisti e diabel y e lo huy for di boso, Hala serca Dios y e lo hala serca boso, limpia boso mannan boso pecadornan, y purifica boso curason ,boso di curason dobbel.( Santiago 4:7-8)
Den Santiago 1:8 e palabra di Dios ta splika bon cla cu un hende cu no ta pidi cu fe no por spera di ricibi algo di Dios, siendo un hende di curason dobbel, inconstante den tur su camindanan.
Den Efesionan 4:29 e palabra di Dios ta bisa: No laga ningun palabra danino sali for di boso boca,solamente palabra cu ta bon pa edificacion , conforme e necesidad di e momento, pa e duna gracia na esnan cu ta tende.
Nos mester ta carinoso cu otro, y evita tur sorto di pleito y mal comporendemento,no haci e Spirito Santo di Dios tristo. Sea imitadornan di Dios, manera yuinan stima y cana den amor.
Dios kier pa nos tur ta uni como un Famia.
Sinceramente Pastor Marcel Balootje.
