Marco Bislip a bay sosega diadomingo mainta

1496

ORANJESTAD – Diadomingo mainta, Marcos Bislip Jr a informa SOLO DI PUEBLO cu Marco Bislip a fayece. Marco tabatin algun dia malo y pa den ultimo oranan a empeora y a fayece.
Marco tabata ex-sindicalista, politico, miembro di Parlamento di Teritorio Insular di Aruba, statenlid di Antiyas Hulandes, lider di fraccion y fundador di MEP y diputado.
Tabata schouder cu schouder cu Betico den tempo di lucha pa saca Aruba for di Antiyas.
Marco Bislip semper a mantene e vision di independencia pa Aruba.


SOLO DI PUEBLO ta extende palabra di condolencia na henter famia pero tambe na Marcus jr. cu ta un colega di nos medionan di comunicacion.