Mariniers di Marine Squadron Carib y e peloton di boto a train, hunto cu e ‘Infantería de Marina Colombiana’, durante Ehercicio Estribo na Colombia di 11 pa 22 di mei. Den e region di riu cu ta un reto, den cercania di Turbo, ambos unidad durante operacionnan riba y rond di awa, a traha intensamente hunto pa intercambia conocemento, experiencia y procedementonan.
Mariniers Colombiano y Hulandes a train banda di otro den un scenario realista. E enfoke ey tabata riba fortifica habilidadnan operacional y intensifica mas ainda e cooperacion entre e dos cuerponan di Marina.
Durante Estribo, e mariniersnan a practica varios tactica y procedemento pa operacionnan den tereno cu ta dificilmente accesibel, manera e selva denso den e area canto di e riunan. E unidadnan a train riba, entre otro, movecionnan atraves di awa, opera den teamnan chikito, y realiza operacionnan den condicionnan dificil cu hopi reto.
Ambos unidad a aumenta nan desplegue y a siña for di otro su metodonan di trabou y experiencianan. E participantenan a experencia e entrenamento como intensivo y hopi educativo. Nan ta mira atras riba un ehercicio exitoso den cual a fortifica mas ainda e cooperacion mutuo.
