University of Aruba Research Center ta orguyoso di anuncia cu University of Aruba’s Repository tin mas cu 1000 publicacion awor! A lansa e repositorio, un archivo accesibel, unda por aloca tur documentacion, na september 2024. Esaki a crece rapidamente den e lunanan pasa, danki na e adicionnan di publicacion di resultado di investigacion di e investigadonan di University of Aruba!
Publicacion number 1000 tabata di Hannah Meijer, cu a presenta un poster tocante Colaborando riba tareanan publico den di Reino Hulandes durante e Dutch Caribbean Research Week na november 2024.
E board of Trustees di University of Aruba a duna Research Center e tarea di aumenta e visibilidad substancial di e resultadonan di e investigacionnan di e instituto. E repositorio ta un di e maneranan cu nos por ehecuta e mision y demostra e experticio academico di University of Aruba.
Ademas, e repositorio ta promove acceso na resumen y traduccion di articulo cientifico, cu ta haci e articulonan cientifico mas facil pa lesa! Algun ehempel ta e investigacionnan tocante social work, sostenibilidad (por ehempel seawater refineries of aloe vera ) y idioma.
Mas resumen y traduccion ta na caminda!
Bishita e repositorio y explora e investigacionnan cu tin na disposicion!
Si bo tin cualkier pregunta of bo kier haya mas informacion, tuma contacto cu Research Center (research@ua.aw)! Bo por suscribi pa e Research Center’s monthly newsletter pa ricibi cualkier update y e ultimo noticianan tocante investigacion. Bo por cuminsa cu e January newsletter!
