Segun e ultimo estadistica di Departamento di Seguridad Nacional (DHS) di Merca, rond 50.000 migrante venezolano a drenta e pais ilegalmente durante luna di september via e frontera sur. E cifranan aki ta representa un aumento significativo compara cu e mesun periodo di aña pasa, ora cu alrededor di 34,000 migrante a drenta buscando e soño americano. Durante varios dia di luna pasa, a registra un averahe di te cu 3000 venezolano cruzando e frontera ilegalmente cada dia, demostrando un afluencia sin precedente. Hopi di e migrante aki a cana distansia largo na pia, atravesando e continente te na e frontera noord di Mexico.
Hasta nan a enfrenta e peligernan di e selva di Darién na Panama, unda ta calcula cu mas di 400.000 persona a pasa, incluyendo 75.268 venezolano.
E exodo venezolano, cu ya ta suma mas di 7 miyon migrante y refugiado, a genera un impacto significativo riba e politicanan migratorio di e administracion Biden.
E gobierno mericano a busca pa regula entrada legal mediante asilo of lansa e programa di patrocinio, pero esaki no a logra mitiga completamente e migrantenan venezolano.
E situacion aki ta un reto pa e autoridadnan mericano, ya cu nan mester haña un manera pa atende cu e crisis humanitario y brinda proteccion na e migrante venezolano cu ta busca un bida miho.
Ta spera cu gobierno mericando lo sigui traha riba solucionnan di largo plaso pa maneha e fluho migratorio aki y garantisa siguridad di tur esnan envolvi.
Noticia di CBS News
