Siman pasa Minister Endy Croes a atende diescinco ceremonia di graduacion. Diahuebs ultimo den Renaissance Convention Center yena cu alegria y entusiasmo a tuma luga graduacion di Colegio Arubano HAVO. Un total di 177 hoben a termina nan estudio cu exito y a ricibi nan diploma. Mandatario di Enseñansa a dirigi palabra pa felicita e graduadonan y a expresa di ta hopi orguyoso pa mira nos hobennan finalisando nan estudio. Esaki ta e resultado: di boso esfuerso, disciplina, dedicacion y determinacion. E mandatario tabatin e honor di entrega e diploma di miho graduado di HAVO Bryan NG.  

Pa finalisa e Mandatario ta gradici staf y personal, docente y mentornan y tur esnan cu a guia cada un studiante pa yega na e exito aki. Y ta felicita e mayornan y famianan cu duna sosten y kere den nan yiu. Masha pabien tur graduado y hopi exito den futuro. 

LEAVE A REPLY

Please enter your comment!
Please enter your name here