Durante e cena di aña den Centro di Bario Brazil den ambiente di Pasco, Master Yoshmar Wever a wordo sorprendi cu e premio di Coach di Aña 2024. Den aña 2024 Master Yoshmar Wever a ranca sali cu speed y a bay evento tras di evento hunto cu e team di Aruba, hisando e Bandera di Aruba Internacionalmente.Master Yoshmar Wever y Master Cliford Rasmijn ta e unico dos coachnan hoben cu a logra di coach den e clasificatorio pa Paris na Santo Domingo 2024. Despues Master Yoshmar Wever a sigui su careda como coach di e team di Aruba den varios otro evento Nacional y internacional cu e meta pa logra Medaya pa Aruba. Taekwondo Team Aruba a logra varios Medaya Internacional.
Master Yoshmar Wever su truinfo tabata ora cu e team a logra gana e di Dies Copa di TK5 na Surinam pa despues gana e Copa di TK5 na Corsou tambe.Master Yoshmar Wever cu un sonrisa grandi na su cara a ricibi su plakkaat for di Señora Sharline Roga Klaber.
