Diaranson merdia Minister Dangui Oduber a bisa cu dialuna a dicidi cu de imediato ta cera tur nightclub na Aruba of sitionan nocturno. E decision aki a drenta na vigor desde dialuna caba, ora cu a constata cu e brote ta biniendo for di e sector aki.

Te cu algun dia pasa, Gobierno tabata wanta hopi precion for di doñonan di Club,  unda te hasta nan a forma un union pa asina manda Gobierno corte, pa extende e horario.

Awor nos ta constata cu e horario di ciere 11.or di anochi mes ta asina, nos ta wak kico te consequencia.

Ora cu nos tabatin cero caso, a permiti e clubnan habri bek, nan a habri e ultimo simannan y nan no tabata tene nan mes na protocol. Pues, absolutamente cu no. Desde dialuna a tuma e decision, ningun establecimento nocturno por ta habri mas.   E ta afecta e secotr aki enormemente. Nos ta convici tambe e situacion cu nan tin. Si laga e Clubnan habri,  pa otro siman e situacion lo ta for di control. Nos no ta sinti cu e ta for di control ne momento aki, pero si mester alerta comunidad pa tene cuenta cu e propio discplina pa cuida nan mes.

Ningun club nocturno, fiesta, ni musica por sigui.

LEAVE A REPLY

Please enter your comment!
Please enter your name here