Secretario General di MEP: MEP SI a aumenta normbedrag, AVP Nunca!
Mike Eman diahuebs ultimo a sinta jora dilanto EPB na Hato engañando algun alumno alrepsecto normbedrag. Normbedrag ta ancra den leynan di enseñansa tanto den LV Kleuter (art 55), LV Basis (art 64a) y LV Voortgezetonderwijs(art 76a) y ta determina e expoitatiekosten cu directivanan ta haña pa aña atrabes di subsidie. Mike Eman para dilanti EPB ta gaña atrobe. Textualmente
Mike a bisa lo siguiente: “ora e suma no ta alkansa mas cu e scol no por cubri su gastonan bo tin di adapta e normbedrag. Esey ta algo cu ta socode cada 5 of 10 aña segun Mike.
Sinembargo Ley ta prescribi cu esaki ta tuma lugar cada 3 aña y no cada 5 of 10 aña manera Mike ta pretende. Alabes ta un “FEIT” cu Mike Eman y AVP durante nan gobernacion di October 2009 pa November 2017 esta den 8 aña NUNKA pero NUNKA a ahusta e normbedrag. Rapportnan ta papia cla di esaki. Anto awe Mike kier plee victima comosifuera cu Mike Eman y AVP tabata tin atencion pa scolnan. Durante aña 2023 Gobierno a ahusta e normbedrag cu 3.2 miyon florin y EPB ta haña 800 mil extra. Durante aña 2024 gabinete Wever Croes 2 tin 3.2 miyon adicional den presupuesto pa e normbedrag.
Pues ta pidi Mike y AVP pa papia e berdad si. Tambe percura pa AVP vota na fabor di presupuesto 2024 paso eyden tin 3.2 miyon adicional pa e scolnan. Eman a grita dilanti EPB cu Gabinete Wever Croes 2 no a drecha ni un solo scol. Mentira flagrante atrobe manera
Profeta Hananias. Nos ta invita Mike Eman di awor pa e apertura di St Aloysius na Noord cual lo tuma lugar final di luna di September proximo. Waak pa Bo tey Mike! Nos lo informa pueblo!
