Den e prome siman nan di Gabinete Wever-Croes II a scucha e veld di enseñasa y a logra soluciona hopi problematica.
No ta desconoci cu den e ultimo añanan enseñansa a pasa den cambionan cu no tawata na bienestar di enseñansa en general especialmente di nos muchanan. Pa Partido MEP, enseñansa semper tawata un prioridad como cu e ta e fundeshi pa progreso di un pais fuerte y resiliente.
Tawata na aña 2009 cu MEP tawata tin e cartera di enseñansa ultimo biaha. Nos lider Evelyn Wever-Croes cu semper tin enseñansa cerca na su curason, a priminti den campaña cu lo no laga enseñansa bay e biaha aki bou niun otro partido si mester forma un coalicion. Hincando e cartera aki den un persona cu ta conoci pa scucha cu portanan habri y bini semper cu solucionnan, ta yena nos lider cu hopi satisfaccion. Y asina e por sigui maneha nos pais cu tur trankilidad riba tur e retonan cu nos mester enfrenta y tur esnan den e veld di enseñansa, mayornan y cada mucha tambe pero tin e trankilidad aki cu enseñansa ta den bon man.
Minister di Enseñansa, señor Endy Croes, ya den e prome siman cu a haya e cartera aki, a cuminsa pa scucha e veld di enseñasa y di eynan el a ranca bay y logra soluciona varios problematicanan cu no a haya ni oido ni solucion den e maneho di enseñasa di e minister anterior.
Partido MEP, ta hayando hopi elogio di maestronan cu ta acerca nos y ta expresa con contento nan ta cu e maneho den un tempo cortico cu ta ser ehecuta pa nos Minister nobo di Enseñansa. Partido MEP ta contento y satisfecho cu a pone e maneho di Enseñasa den un persona cu tin un vision grandi pa e miho calidad di enseñasa pa Aruba. Partido MEP ta sigur cu Enseñasa lo bay conoce cambionan grandi den e proximo 4 aña di Gabinete Wever-Croes II, cambionan na bienestar di nos futuro como pais.
